Zavod işçiləri çimərlik geyimində çalışır — Belarusda istilərin nəticələri

Zavod işçiləri çimərlik geyimində çalışır
10:30
24.06.2019
24224
Dünya
A
Belarusda anomal istilər səbəbindən “Belmaş” zavodu işçilərə çimərlik geyimində işləməyə icazə verib.

“Ölkə.Az” xəbər verir ki, zavodun qadın işçilərinin xahişi ilə rəhbərlik dress-kod qaydalarında dəyişiklik edib.

Yeni tələblərə əsasən, qurğuları sınaqdan keçirən qadınlar ya çimərlik geyimində, ya da alt paltarında ola bilərlər. Küçədə tempratur 27 dərəcədən çox olanda bu qayda tətbiq edilir. Qadın fəhlələr bu qərardan razı qalıblar.

Ölkə.Az

ŞƏRH YAZ
0

Ankaradan ABŞ-a sərt reaksiya

Ankaradan ABŞ-a sərt reaksiya
16:36
Bu gün
92
Dünya
A
Türkiyə Prezident Administrasiyasından ABŞ Senatının qondarma “erməni soyqırımı” qərarına sərt etiraz edərək, bunu məsuliyyətsiz hərəkət adlnadırıb. Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altun ABŞ Senatının 1915-ci il hadisələrini "Erməni Soyqırımı" olaraq xarakterizə edən qətnamə layihəsinin qəbul edilməsinə etiraz edib.

“Ölkə.Az” xəbər verir ki, Fəxrəddin Altunun sözlərinə görə, qəbul edilən layihə ABŞ-Türkiyə münasibətlərini təhlükə altına alır. 
O qeyd edib ki, sanksiyalar və təhdidlər Türkiyəni təhlükəsizlik maraqlarını qorumaqdan vaz keçirməyəcək. 

Türkiyə rəsmisi "Twitter" hesabında qətnamə layihəsinin qəbulunu belə şərh edib: 

"ABŞ Konqresinin bəzi üzvlərinin davranışı Türkiyə-ABŞ münasibətlərinə xələl gətirir. Dünən Senatın Xarici Əlaqələr Komitəsinin qəbul etdiyi sanksiya qərarı və bu gün Senatdan keçən qondarma "erməni soyqırımı" ilə bağlı qətnamə layihəsi ikitərəfli əlaqələrin gələcəyini təhlükə altına alır. 
Suriyanın şimalındakı hərbi əməliyyatımızın səbəb və məqsədlərini amerikalı həmkarlarımıza çatdırdıq. Sanksiyalar və təhdidlər milli təhlükəsizlik maraqlarımızı qorumağımıza mane olmayacaq". 

ABŞ Konqresinin bəzi üzvləri sırf Suriyadakı hərbi əməliyyatlarımızdan rahatsız oldu deyə, milli güvənliyimizi təhlükəyə atmağı rədd edirik".
F.Altun əlavə edib ki, əvvəldən YPG ilə ittifaq qurmaq ağılsız siyasət idi: "Terror təhdidləri qarşısında vətəndaşlarımızın təhlükəsizliyini və rifahını təmin etməyə davam edəcəyik. 
ABŞ Konqresinin bəzi üzvlərinin tarixi siyasiləşdirməyə yönəlmiş əvvəlki cəhdlərində bu hadisələri araşdırmaq üçün bir qrup yaratmaq təklifimizi xatırlatdıq. Qeyd etdik ki, tarix millətləri bölən deyil, onları birləşdirən bir şey olmalıdır. 
Ancaq son bir neçə ay ərzində ABŞ Konqresinin bəzi üzvləri NATO müttəfiqinin perspektivlərini və həssaslıqlarını görməzdən gəlmək üçün hər şeyi etdilər və iki ölkə və iki dövlət arasında münasibətləri nizamlamaq üçün məsuliyyətsiz hərəkət etdilər. 

Bu qərarlar, Türkiyə ilə ABŞ arasındakı əlaqələrə heç bir fayda gətirməyəcək. 
Tarix, bu qərarları ABŞ Konqresindən bəzi üzvlərinin Türkiyəyə qarşı məsuliyyətsiz və ağıllı olmayan hərəkətləri olaraq görəcək. Bunlar iki ölkə arasında uzunmüddətli ziyana səbəb olan tərəf olaraq tarixə düşəcək".

Türkiyə XİN-də  məsələ ilə bağlı bəyanat yayıb.  Bəyanatda Senatın qərarı, "tarixin necə siyasiləşdirilməsinin utancverici nümunələrindən biri" kimi şərh edilib.

“ABŞ Senatının 1915-ci il hadisələri ilə 12 dekabr 2019-cu ildə tarixli qərarı hər cür tarixi özünüdərkdən və hüquqi əsaslardan məhrumdur.
Senatın bu qərarı tarixi necə siyasiləşdirilməsinin utancverici nümunələrindən biridir. Ancaq tarixi siyasi məqsədləri üçün istifadə edənlər həqiqətləri görməməzliyə vuraraq, əsla məqsədlərinə çatmayacaqlar. Bu qərar, eyni zamanda, Türkiyə-ABŞ münasibətlərinin inkişaf etdirilməsi yönündəki səyləri də dalana dirəyən təxribatçı təşəbbüsdür” – bəyanatda deyilir.

Bəyanatda Türkiyənin regiondakı maraqlarını qorumaq üçün apardığı mübarizənin bu cür haqsız və mənasız qərarlardan təsirlənməyəcəyi və bu mübarizəyə qətiyyətlə davam edəcəyi bildirilir.

Ölkə.Az

 

ŞƏRH YAZ
0

Pakistan universitetində qanlı qarşıdurma — Ölən və yaralılar var

Pakistan universitetində qanlı qarşıdurma
10:47
Bu gün
622
Dünya
A
İslamabaddakı Beynəlxalq İslam Universitetində atışma olub.

“Ölkə.Az” xəbər verir ki, insident nəticəsində 1 nəfər ölüb, daha 13 nəfər yaralanıb. Bu barədə məlumatı "Doon" qəzeti yayıb.

Hadisə cümə axşamı iki qrup tələbə arasında baş verib. Qeyd olunur ki, gənclər ümümi çıxış üçün nəzərdə tutulan platformanı  paylaşa bilməyiblər, nəticədə aralarında kütləvi dava baş verib.

Universitetin rəhbərliyinin müdaxiləsindən sonra, tələbələr müvəqqəti olaraq sakitləşiblər. Lakin daha sonra onlar mübahisəni həll etmək üçün odlu silahdan istifadə ediblər. Nəticədə 1 nəfər ölüb, 13 nəfər yaralanıb.

Xəsarət alanlar xəstəxanaya yerləşdirilib. Hadisə ilə bağlı araşdırma başladılıb.

Ölkə.Az

ŞƏRH YAZ
1
BAĞLA