Zədəli "Çelsi" oyunçuları Qarabağa qarşı meydana çıxmayacaqlar

Zədəli
17:34
11.09.2017
268
İdman
A
İngiltərənin “Çelsi” komandasının bir neçə futbolçusu Çempionlar Liqasının (ÇL) qrup mərhələsinin I turunda “Qarabağ”la oyun zamanı meydana çıxmayacaq.

"Ölkə.Az" Report-a istinadən xəbər verir ki, bu barədə London təmsilçisinin baş məşqçisi Antonio Konte matçdan əvvəl təşkil edilən mətbuat konfransında bildirib. 48 yaşlı italiyalı mütəxəssisin sözlərinə görə, ingiltərəli orta xətt oyunçusu Denni Drinkuoter zədə üzündən meydana çıxa bilməyəcək. 

Zədəsini yenicə sağaldan belçikalı yarımmüdafiəçi Eden Azar isə “11-lik”də yer almayacaq: “Drinkuoterin əzələsində problem var. Ona görə kənarda qalacaq. Azar oynamağa hazırdır. Lakin belçikalı futbolçu ilə bağlı yersiz risk etmək lazım deyil”.

Konte Premyer Liqanın ilk turunda 3 qol vuran və 2 məhsuldar ötürmə edən Alvaro Moratanın da durumuna aydınlıq gətirib. O, ispaniyalı hücumçuya istirahət verməyi düşündüyünü söyləyib: “Morata yaxşı oyunçudur və hazırlıq səviyyəsində irəliləyiş var. Sadəcə olaraq, ötən mövsüm az oyunda iştirak edib”.

"Çelsi" sentyabrın 17-də İngiltərə Premyer Liqası matçında "Arsenal"la üz-üzə gələcək. Moratanın məhz bu səbəbdən, "Qarabağ"la oyundan kənarda qalacağı bildirilir. Əvəzində mərkəz hücumçusu mövqeyində Mişi Badşuayinin çıxış edəcəyi gözlənilir. 

Qeyd edək ki, sentyabrın 12-də keçiriləcək “Çelsi” – “Qarabağ” görüşü Bakı vaxtı ilə saat 22:45-də start götürəcək.

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
519
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0

Futbol üzrə milli komandamızın heyəti açıqlanıb

Futbol üzrə milli komandamızın heyəti açıqlanıb
21:05
21.05.2018
1256
İdman
A
Azərbaycan milli komandasının heyəti açıqlanıb.

"Ölkə.Az" AFFA-ya istinadən xəbər verir ki, baş məşqçi Qurban Qurbanov 27 futbolçuya dəvət göndərib.

Qapıçılar: Kamran Ağayev (“Keşlə”), Anar Nəzirov (“Zirə”), Səlahət Ağayev (“Neftçi”)

Müdafiəçilər: Maksim Medvedev, Bədavi Hüseynov (hər ikisi “Qarabağ”), Ruslan Abışov (“Neftçi”), Ürfan Abbasov, Təmkin Xəlilzadə, İlqar Qurbanov (hamısı “Qəbələ”), Rahil Məmmədov (“Səbail”), Slavik Alxasov (“Keşlə”), Pavel Paşayev (“Aleksandriya”, Ukrayna), Ufuk Budak (“Samsunspor”, Türkiyə)

Yarımmüdafiəçilər: Qara Qarayev, Coşqun Diniyev, Riçard Almeyda (hamısı “Qarabağ”), Namiq Ələsgərov, Rəhman Hacıyev, Emin Mahmudov (hamısı “Neftçi”), Ruslan Qurbanov, Cavid Hüseynov (hər ikisi “Qəbələ”), Cavid İmamverdiyev (“Sumqayıt”), Araz Abdullayev (“Anortosis”, Kipr), Dmitri Nazarov (“Erzgebirge”, Almaniya)

Hücumçular: Ramil Şeydayev, Mahir Mədətov (hər ikisi “Qarabağ”), Amil Yunanov (“Sumqayıt”)

Qeyd edək ki, yığmamız mayın 23-dən iyunun 2-dək Bakıda, iyunun 3-dən 6-dək Astanada, iyunun 7-dən 9-dək Riqada təlim-məşq toplanışı, mayın 29-da Qırğızıstan, iyunun 6-da Qazaxıstan, iyunun 9-da Latviya ilə yoldaşlıq oyunu keçirəcək.

ŞƏRH YAZ
0
BAĞLA