Zəhərlənən pambıqçılarla bağlı son məlumat
İmişlidə pambıq sahəsində zəhərlənənlər arasında ciddi reanimasyon tədbirlərə ehtiyacı olan olmayıb. Hazırda xəstələrin vəziyyəti yaxşıdır.
"Ölkə.Az" xəbər verir ki, bu barədə REAL-a açıqlamasında İmişli Rayon Mərkəzi Xəstəxanasının baş həkimi Cəsur Paşayev deyib.
O bildirib ki, zəhərlənmə ilə bağlı xəstəxanaya 11 radələrində məlumat daxil olub və hadisə yerinə dərhal həkim briqadası göndərilib.
“Xəstələrin vəziyyəti hazırda yaxşıdır. Bu gün zəhərələnənlərin hamısı evə buraxılacaq. Ağır reanimasyon tədbirlərə ehtiyacı olan xəstə yoxdur. Bütün xəstələrdən qan və sidiklərindən analiz götürülüb və ekspertizaya göndərilib”, deyə Cəsur Paşayev qeyd edib.
