Zəhra adı yenə liderdir — Uşaqlara ən çox qoyulan adlar

Zəhra adı yenə liderdir
16:20
14.06.2018
2229
Ölkə
A
Azərbaycanda uşaqlara verilən adların arasında dini adlar üstünlük təşkil edir.

Ədliyyə Nazirliyindən "Ölkə.Az"a verilən məlumata görə, 2018-ci ilin 5 ayı ərzində doğulan oğlan uşaqlarına ən çox Yusif (919), qız uşaqlarına isə Zəhra (916) adı verilib. 

Eyni zamanda islam dininə xas Hüseyn (651), Əli (720), Fatimə (523), Zeynəb (550), Ömər (560), Məryəm (590), Məhəmməd (520) adları da uşaqlara ən çox verilən adlardandır.

Bununla belə, son vaxtlar uşaqlara verilən adlar sırasında Nuray (643), Aylin 595), Murad 465, Mələk (476), Uğur (546) kimi adlar da üstünlük təşkil edir. 

Ümumilikdə isə son 5 il ərzində Azərbaycanda doğulan uşaqlara ən çox Yusif (15584), Zəhra (14635) adları verilib.

ŞƏRH YAZ
0

Bir ildə 12 504 yeni müəssisə və təşkilat fəaliyyətə başlayıb — Azərbaycanda

Bir ildə 12 504 yeni müəssisə və təşkilat fəaliyyətə başlayıb
16:57
Bu gün
122
Ölkə
A
Ölkə ərazisində 2018-ci il ərzində yaradılmış 12 504 yeni müəssisə və təşkilatın 66,4 faizi Bakı şəhərində fəaliyyətə başlayıb.

Dövlət Statistika Komitəsindən "Ölkə.Az"a verilən məlumata görə, ötən il ərzində fəaliyyətə başlayan yeni müəssisə və təşkilatların 9,6 faizi Abşeron, 6,9 faizi Aran, 4,8 faizi Quba-Xaçmaz, 4,6 faizi Gəncə-Qazax, 2,7 faizi Şəki-Zaqatala, 2,6 faizi Lənkəran, 1,2 faizi Yuxarı-Qarabağ, 0,6 faizi Dağlıq Şirvan iqtisadi rayonunun, 0,4 faizi Naxçıvan Muxtar Respublikasının, 0,2 faizi isə Kəlbəcər-Laçın iqtisadi rayonunun payına düşüb.

2018-ci il ərzində ölkədə 238 947 yeni, o cümlədən 127 428 daimi iş yeri açılıb. Açılmış daimi iş yerlərinin 8,1 faizi yeni yaradılmış müəssisə və təşkilatlarda, 32,2 faizi mövcud müəssisə və təşkilatlarda, 0,4 faizi fəaliyyətini bərpa etmiş müəssisə və təşkilatlarda, 59,3 faizi isə fərdi sahibkarlıq subyektləri tərəfindən yaradılıb.

Yeni iş yerlərinin 26 faizi Bakı şəhərinin, 1,2 faizi Naxçıvan Muxtar Respublikasının, 72,8 faizi regionların, o cümlədən 38,9 faizi Aran, 8,9 faizi Lənkəran, 7,7 faizi Gəncə-Qazax, 4,9 faizi Abşeron, 4,4 faizi Yuxarı Qarabağ, 3,0 faizi Şəki-Zaqatala, 2,7 faizi Quba-Xaçmaz, 2,1 faizi Dağlıq Şirvan, 0,2 faizi isə Kəlbəcər-Laçın iqtisadi rayonlarının payına düşüb.

Hüquqi şəxslər tərəfindən yaradılmış daimi iş yerlərinin 18,4 faizi ticarət, nəqliyyat vasitələrinin təmiri, 18,3 faizi tikinti, 13,7 faizi emal sənayesi, 9,4 faizi dövlət idarəetməsi və müdafiə, sosial təminat, 8,9 faizi su təchizatı, tullantıların təmizlənməsi və emalı, 5,3 faizi peşə, elmi və texniki fəaliyyət, 3,2 faizi kənd təsərrüfatı, meşə təsərrüfatı və balıqçılıq, 3 faizi təhsil, 2,9 faizi digər sahələrdə xidmətlərin göstərilməsi, 2,8 faizi inzibati və yardımçı xidmətlərin göstərilməsi, 2,7 faizi daşınmaz əmlakla əlaqədar əməliyyatlar, 11,4 faizi isə digər iqtisadi fəaliyyət növləri üzrə açılıb.

Ölkə.Az

ŞƏRH YAZ
0

Əməkdar artist AzTV-də aparıcılıq edəcək

Əməkdar artist AzTV-də aparıcılıq edəcək
16:41
Bu gün
334
Ölkə
A
Məlahət Abbasovanın “Məlahətli söhbətlər” proqramı bundan sonra AzTV-də yayımlanacaq.

"Ölkə.Az" Axşam.az-a istinadən xəbər verir ki, əməkdar artist bu barədə “Gün başladı” proqramında məlumat verib.

“Layihəm hazırdır. AzTV-nin yeri mənim üçün çox fərqlidir. Çünki ilk dəfə məni tamaşaçılara təqdim edib. Təkrar doğma kanalıma dönürəm. Şou insanı deyiləm, özümə bir missiya yükləmişəm ki, iki ölkənin məşhurları bir-birini gəlib, tanısınlar. Onları bura gətirirəm ki, siz də bizim sənətçilərimizi tanıyın”.

O söhbət zamanı sözügedən proqramda qonaq olan sənətçilər ölkəmizə qonorarsız gəldiyini bildirib.

Qeyd edək ki, Abbasova verilişinin yayım vaxtını açıqlamayıb.

Ölkə.Az

ŞƏRH YAZ
0
BAĞLA