Zelenskinin andiçməyə gedəndə öpdüyü şəxs ermənidir — FOTO FAKT

Zelenskinin andiçməyə gedəndə öpdüyü şəxs ermənidir
11:23
25.05.2019
4849
Siyasət
A

Vladimir Zelenskinin Ukrayna prezidenti kimi and içərək rəsmi fəaliyyətinə başlamasından bir neçə gün keçməsinə baxmayaraq, hələ də dünya mediasında həmin andiçmə mərasimi, onun çıxışı, verdiyi mesajlar müzakirə predmetidir. Çünki hələ də andiçmə mərasimində diqqətdən yayınan xeyli məqamlar üzə çıxmaqdadır. Biz də Zelenskinin andiçmə mərasimindəki çıxışı,  verdiyi mesajlar və bir sıra gizlin məqamları aydınlaşdırmaq məqsədi ilə politoloq Fuad Hilalova müraciət etdik.

“Ölkə.Az”a müsahibəsində F. Hilalov bildirib ki, bir çox tədqiqatçıların müşahidə etdiyi kimi, bu andiçmə mərasimi bundan əvvəlki prezidentlərin and içmə mərasimlərindən fərqlənirdi. 

“Nümayişkarənə səmimiyyət, toplaşanlarla əl sıxma və selfi çəkdirmə. Yeri gəlmişkən onu da qeyd edək ki, andiçməyə getdiyi vaxt insanlara yaxınlaşaraq Zelenskinin üzündən öpdüyü bir nəfər var idi və mən oxucuların diqqətini məhz bu məqama yönəltmək istərdim. Bu adam  barəsində hələ Zelenskinin seçkiöncəsi təbliğatı ilə bağlı “Ölkə.Az” portalına verdiyim  müsahibədə  adını çəkdiyim Zelenskinin əvvəllər rəhbəri olduğu “Veçerniy kvartal” teatrının administratoru, Bakı ermənisi Mika Fatalov (Tosunyan) idi”.

Zelenskinin ermıənilərlə sıx işbirliyi və  andiçmə mərasimində digər ermənilər də olubmu sualına cavab olaraq  politoloq bildirib ki, andiçmə mərasimi vaxtı Zelenskinin səmimi görüşdüyü başqa bir Bakı ermənisi isə hal hazırda daxili işlər naziri vəzifəsində olan Arsen Avakov idi:

“Avakovun hələ seçkilər vaxtı Zelenskiyə gizli dəstək verdiyi bildirilirdi”.

Andiçmə zamanı Zelenskinin çıxşlarındakı digər məqamlara  gəldikdə isə politoloq bildirib ki, seçki kampaniyası zamanı populist ritorikadan istifadə edən Zelenskinin andiçmə çıxışını populizm zirvəsi olaraq adlandıra bilərik. “O, çıxışında kabinetlərdə portretinin asılmamasını tələb etdi. Demək olar ki, bütün yüksək çinli məmurları aşkar bir şəkildə təhqir edərək işdən qovdu, elə andiçmə nitqində parlamenti tam tərkibdə buraxdı və növbədənkənar parlament seçkilərinin keçiriləcəyini elan etdi. Bütün bunlar isə Ukrayna cəmiyyətinin eşitmək istədiyi məqamlar idi. Bilirsinizmi, niyə?”

-Niyə?

- Çünki 2014-cü ildəki dövlət çevrilişindən sonra bütün sahələrdə tənəzzül yaşayan Ukrayna demək olar ki, varolma, ayaqda qala bilmə mübarizəsi aparır. Bircə onu deyək ki, bu illər ərzində ölkə əhalisi sayı 10 milyondan çox azalıb. Bütün problemlərin həlli mümkün olsa belə, (hələ ki nə vaxtsa həlli çox da real görünmür) bu yaxın illərdə həll ediləcək məsələ deyil. Bu yaxınlarda isə artıq yuxarıda qeyd edildiyi kimi parlament seçkiləri yaxınlaşır. Ukrayna yarı prezident üsul idarəli dövlət olduğuna görə parlamentin əhəmiyyəti böyükdür. Seçkilərə qədər xalqa verilmiş vədlərdən heç birini yerinə yetirmək mümkün olmadığına görə yüksək reytinqi saxlamağın yeganə yolu üzdə olan əvvəlki hakimiyəti nümayişkəranə cəzalandırmaq Zelenskinin gedəcəyi yeganə addımdır. 

-Niyə üzdə olan hakimiyyətin? 

-Ona görə ki, Ukrayna müasir dünyanın əksər ölkələri kimi oliqarxik üsul idarə ilə idarə olunan bir dövlətdir. Ona görə də Zelenskinin arxasında duran oliqarxik güclərin və xarici dövlətlərin maraqları ölkənin gələcəyindəki həll edici amil olacaq.  

Ölkə.Az

ŞƏRH YAZ
1

11 ölkə nasizmi pisləyən birgə bəyanat yaydı — Aralarında Azərbaycan da var

11 ölkə nasizmi pisləyən birgə bəyanat yaydı
03:11
Bu gün
580
Siyasət
A
Azərbaycan, Rusiya, Belarus, Ermənistan, Qazaxıstan, Özbəkistan, Qırğızıstan, Tacikistan, Türkmənistan, Moldova və Serbiya xarici işlər nazirləri İkinci Dünya müharibəsində Qələbənin 75 illiyi ilə bağlı birgə bəyanat imzalayıblar.

"Ölkə.Az" APA-ya istinadən xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Rusiya XİN rəsmi internet səhifəsində ATƏT  XİN başçıları Şurasının Bratislavada keçirilən 26-cı iclasında 11 ölkənin xarici işlər nazirləri tərəfindən qəbul olunan birgə bəyanatın mətni yerləşdirilib.

Bəyanatda İkinci Dünya müharibəsinin tarixdə on milyonlarla insanın həyatına son qoyan və bəşəriyyət üçün dəhşətli əzablara səbəb olan ən şiddətli və qanlı münaqişələrdən biri olduğu qeyd olunub. 

Bildirilib ki, nasizm üzərində qələbə xalqlarımızın sarsılmaz birliyi və həmrəyliyi, anti-Hitler koalisiyası ölkələrinin birgə mübarizəsi sayəsində mümkün olub. 

Bəyanatda ön və arxa cəbhələrdə misilsiz şücaət və cəsarət göstərərək sivilizasiyamızı məhv olmaqdan xilas edənlərin fədakarlığı xatırlanıb: “Bizim müqəddəs borcumuz tarixi həqiqəti qorumaqdır. Biz Qızıl Ordunun əsgər və sərkərdələrinin abidələrinin, Avropanın faşistlərdən azad edilməsi uğrunda canlarını vermiş insanların məzarlarına hörmətsizliyi təhqir hesab edirik. Bu cür xatirə obyektlərinə qarşı vandalizmə heç bir haqq qazandırmaq olmaz. Bütün ölkələri qəhrəmanların xatirəsinə ehtiram göstərməyə və hərbi məzarları yaxşı vəziyyətdə saxlamağa çağırırıq".

Bəyanatda həmçinin İkinci Dünya müharibəsinin nəticələrini saxtalaşdırmağa cəhdlər də qətiyyətlə pislənilib: "Bir sıra ölkələrin nasist cinayətkarlarının və onların silahdaşlarının reabilitasiyası və qəhrəmanlaşdırılması səylərindən narahatıq. Nürnberq Beynəlxalq Hərbi Tribunalının müddəti bitməyən qərarlarına ciddi riayət edilməsinin zəruriliyini hesab edirik. Etnik və dini nifrət əsasında olan cinayətlərə susmaq dünyanı yeni bir fəlakətə aparacaq”.

 “BMT Baş Assambleyasının 74-cü sessiyasında qəbul olunan "Nasizmin qəhrəmanlaşdırılması, irqçilik, irqi ayrı-seçkilik, ksenofobiya və onunla bağlı olan dözümsüzlüyün təşviqinə xidmət edən neonasizm və onun digər növlərinə qarşı mübarizə” adlı qətnamənin vacibliyini qeyd edirik" - deyə, birgə bəyanatda qeyd olunub.

Ölkə.Az

ŞƏRH YAZ
0

“Hakimlərə məzuniyyət haqqının hesablanması Qaydası”nı təsdiqləndi

“Hakimlərə məzuniyyət haqqının hesablanması Qaydası”nı təsdiqləndi
18:35
07.12.2019
1816
Siyasət
A
Nazirlər Kabineti “Hakimlərə məzuniyyət haqqının hesablanması Qaydası”nı təsdiqləyib.

“Ölkə.Az” xəbər verir ki, bununla bağlı qərarı Baş Nazir Əli Əsədov imzalayıb.

Yeni qaydalar “Məhkəmələr və hakimlər haqqında” qanunun 107-ci maddəsinin birinci hissəsinin ikinci cümləsinə uyğun olaraq hazırlanıb və hakimlərə məzuniyyət haqqının hesablanması qaydasını müəyyən edir və məzuniyyət haqqının ödənilməsi üçün əmək haqqının hesablanması qaydası hakimə istifadə edilməyən məzuniyyətə görə kompensasiya ödənilərkən də tətbiq edilir.

Qərarda qeyd olunub ki, məzuniyyət vaxtı üçün ödənilən orta əmək haqqı onun hansı iş ili üçün verilməsindən asılı olmayaraq, məzuniyyətin verildiyi aydan əvvəlki 12 təqvim ayının orta əmək haqqına əsasən müəyyən edilir. 12 təqvim ayından az işləyib məzuniyyətə çıxan hakimin orta aylıq əmək haqqı onun faktiki işlədiyi tam təqvim aylarına əsasən hesablanır.

Məzuniyyət günlərinin əmək haqqının müəyyən edilməsi üçün məzuniyyətdən əvvəlki 12 təqvim ayının əmək haqqının cəmlənmiş məbləği 12-yə bölünməklə orta aylıq əmək haqqının məbləği tapılır və alınan məbləğ ayın təqvim günlərinin orta illik miqdarına - 30,4-ə bölünməsi yolu ilə bir günlük əmək haqqının məbləği müəyyən edilir. Bu qayda ilə müəyyən edilmiş bir günlük əmək haqqının məbləği məzuniyyətin müddətinin təqvim günlərinin sayına vurulur.

Hakimə məzuniyyət vaxtı üçün orta əmək haqqı məzuniyyətin başlanmasına ən geci 3 (üç) gün qalmış ödənilir.

Qərara əsaəsn, məzuniyyət vaxtı üçün orta əmək haqqının hesablanması zamanı aşağıdakı ödənişlər nəzərə alınır:

- faktiki işlənmiş vaxt üzrə vəzifə maaşı;

- vəzifə maaşına ödənilən bir aylıq vəzifə maaşı həcmində əlavə;

- hakimlik stajına və prokurorluq orqanlarındakı xidmət illərinə görə əlavə;

- Azərbaycan Respublikası Ali Məhkəməsinin hakimlərinə ödənilən yüksək hüquqi ixtisasa görə vəzifə maaşına əlavə;

- elmi dərəcəyə görə vəzifə maaşına əlavə;

- fəxri ada görə aylıq təqaüd;

- səlahiyyətlərin yerinə yetirilməsi ilə bağlı xərclərin ödənilməsi üçün hakimlərə ödənilən aylıq pul təminatı;

- müvəqqəti əvəzetməyə görə ödəmə;

- nqanunvericilikdə hakimlərin iş yerlərinin və əmək haqqının saxlanıldığı hallarda ödəmələr;

- məcburi işburaxma dövrünün ödənilməsi;

- əmək qabiliyyətini müvəqqəti itirməyə, hamiləliyə və doğuma görə müavinətlər;

- dəniz səviyyəsindən 1200 metrdən yüksəklik yerlərdə əmsallar üzrə əlavə ödənişlər.

- Məzuniyyət vaxtı üçün orta əmək haqqının hesablanması zamanı aşağıdakı ödənişlər nəzərə alınmır:

- birdəfəlik xarakter daşıyan mükafatların bütün növləri, yubiley və bayram günləri, anadan olan günlərlə bağlı və digər analoji hallarda verilən həvəsləndirici ödənişlər;

- ilk dəfə hakim vəzifəsinə təyin olunan şəxslərə hakimlik fəaliyyətinin birinci ilində və sonrakı 4 (dörd) il ərzində ildə bir dəfə ödənilən birdəfəlik yardım;

- müalicə olunması üçün verilən iki aylıq əmək haqqı məbləğində pul təminatı;

- məzuniyyətə çıxdıqda verilən iki aylıq əmək haqqı məbləğində müavinət;

- zamiyyə xərcləri;

- birinci instansiya məhkəmələrinin hakimlərinə verilən dəftərxana ləvazimatlarının dəyəri;

- sanatoriya-kurort müalicəsinə və istirahət evlərinə yollayışların dəyəri;

- istifadə edilməmiş əmək məzuniyyətlərinə görə ödənilən kompensasiya.

ŞƏRH YAZ
0
BAĞLA