KORONAVİRUSA YOLUXANLARIN SAYI - CANLI STATİSTİKA

Zelenskinin andiçməyə gedəndə öpdüyü şəxs ermənidir — FOTO FAKT

Zelenskinin andiçməyə gedəndə öpdüyü şəxs ermənidir
11:23
25.05.2019
5695
Siyasət
A

Vladimir Zelenskinin Ukrayna prezidenti kimi and içərək rəsmi fəaliyyətinə başlamasından bir neçə gün keçməsinə baxmayaraq, hələ də dünya mediasında həmin andiçmə mərasimi, onun çıxışı, verdiyi mesajlar müzakirə predmetidir. Çünki hələ də andiçmə mərasimində diqqətdən yayınan xeyli məqamlar üzə çıxmaqdadır. Biz də Zelenskinin andiçmə mərasimindəki çıxışı,  verdiyi mesajlar və bir sıra gizlin məqamları aydınlaşdırmaq məqsədi ilə politoloq Fuad Hilalova müraciət etdik.

“Ölkə.Az”a müsahibəsində F. Hilalov bildirib ki, bir çox tədqiqatçıların müşahidə etdiyi kimi, bu andiçmə mərasimi bundan əvvəlki prezidentlərin and içmə mərasimlərindən fərqlənirdi. 

“Nümayişkarənə səmimiyyət, toplaşanlarla əl sıxma və selfi çəkdirmə. Yeri gəlmişkən onu da qeyd edək ki, andiçməyə getdiyi vaxt insanlara yaxınlaşaraq Zelenskinin üzündən öpdüyü bir nəfər var idi və mən oxucuların diqqətini məhz bu məqama yönəltmək istərdim. Bu adam  barəsində hələ Zelenskinin seçkiöncəsi təbliğatı ilə bağlı “Ölkə.Az” portalına verdiyim  müsahibədə  adını çəkdiyim Zelenskinin əvvəllər rəhbəri olduğu “Veçerniy kvartal” teatrının administratoru, Bakı ermənisi Mika Fatalov (Tosunyan) idi”.

Zelenskinin ermıənilərlə sıx işbirliyi və  andiçmə mərasimində digər ermənilər də olubmu sualına cavab olaraq  politoloq bildirib ki, andiçmə mərasimi vaxtı Zelenskinin səmimi görüşdüyü başqa bir Bakı ermənisi isə hal hazırda daxili işlər naziri vəzifəsində olan Arsen Avakov idi:

“Avakovun hələ seçkilər vaxtı Zelenskiyə gizli dəstək verdiyi bildirilirdi”.

Andiçmə zamanı Zelenskinin çıxşlarındakı digər məqamlara  gəldikdə isə politoloq bildirib ki, seçki kampaniyası zamanı populist ritorikadan istifadə edən Zelenskinin andiçmə çıxışını populizm zirvəsi olaraq adlandıra bilərik. “O, çıxışında kabinetlərdə portretinin asılmamasını tələb etdi. Demək olar ki, bütün yüksək çinli məmurları aşkar bir şəkildə təhqir edərək işdən qovdu, elə andiçmə nitqində parlamenti tam tərkibdə buraxdı və növbədənkənar parlament seçkilərinin keçiriləcəyini elan etdi. Bütün bunlar isə Ukrayna cəmiyyətinin eşitmək istədiyi məqamlar idi. Bilirsinizmi, niyə?”

-Niyə?

- Çünki 2014-cü ildəki dövlət çevrilişindən sonra bütün sahələrdə tənəzzül yaşayan Ukrayna demək olar ki, varolma, ayaqda qala bilmə mübarizəsi aparır. Bircə onu deyək ki, bu illər ərzində ölkə əhalisi sayı 10 milyondan çox azalıb. Bütün problemlərin həlli mümkün olsa belə, (hələ ki nə vaxtsa həlli çox da real görünmür) bu yaxın illərdə həll ediləcək məsələ deyil. Bu yaxınlarda isə artıq yuxarıda qeyd edildiyi kimi parlament seçkiləri yaxınlaşır. Ukrayna yarı prezident üsul idarəli dövlət olduğuna görə parlamentin əhəmiyyəti böyükdür. Seçkilərə qədər xalqa verilmiş vədlərdən heç birini yerinə yetirmək mümkün olmadığına görə yüksək reytinqi saxlamağın yeganə yolu üzdə olan əvvəlki hakimiyəti nümayişkəranə cəzalandırmaq Zelenskinin gedəcəyi yeganə addımdır. 

-Niyə üzdə olan hakimiyyətin? 

-Ona görə ki, Ukrayna müasir dünyanın əksər ölkələri kimi oliqarxik üsul idarə ilə idarə olunan bir dövlətdir. Ona görə də Zelenskinin arxasında duran oliqarxik güclərin və xarici dövlətlərin maraqları ölkənin gələcəyindəki həll edici amil olacaq.  

Ölkə.Az

ŞƏRH YAZ
1

Rusiyanın 22 həkimi Azərbaycana gəldi

Rusiyanın 22 həkimi Azərbaycana gəldi
09:00
Bu gün
2921
Siyasət
A
Xəbər verdiymiz kimi, Azərbaycanın milli aviadaşıyıcısı (AZAL) iyulun 12-si Moskvadan növbəti çarter reysi yerinə yetirib.

"Ölkə.Az" report-a istinadən xəbər verir ki, Heydər Əliyev Fondunun dəvəti ilə həmin reyslə Bakıya 22 rusiyalı həkim gətirilib.

Rusiyalı həkimlər Azərbaycan Respublikasının tibb işçiləri üçün məsləhətləşmələr aparacaq, xüsusi problemli bölgələrdə tibbi xidmətin göstərilməsi işinin təşkilinə köməklik göstərəcək, respublikada epidemioloji vəziyyəti sabitləşdirmək üçün ambulator və xəstəxana mərhələlərində koronavirus infeksiyasının müalicəsi ilə bağlı Rusiya təcrübəsi və yanaşmaları ilə bölüşəcəklər.

Daha əvvəl Rusiyanın Səhiyyə naziri Mixail Muraşko bildirib ki, yeni koronavirus infeksiyası ilə mübarizədə yerli mütəxəssislərin təcrübəsi, həmçinin pasiyentlərə yardım ölkədən xaricdə də çox tələb olunur. Xüsusi halda, Rusiya həkimləri artıq italiyalı, qırğız həmkarlarına virusla mübarizə aparmağa kömək ediblər. O, Azərbaycana da səfərin planlaşdırıldığını qeyd edib.

Ölkə.Az

ŞƏRH YAZ
0

“Tovuz istiqamətində vəziyyət yenidən gərginləşib” — Müdafiə Nazirliyi

“Tovuz istiqamətində vəziyyət yenidən gərginləşib”
00:30
Bu gün
11170
Siyasət
A
Müdafiə Nazirliyinin Mətbuat Xidməti yeni açıqlama yayıb.

"Ölkə.Az" xəbər verir ki, nazirliyin rəsmi sosial şəbəkə hesabında bildirilib: 

"Azərbaycan-Ermənistan dövlət sərhədinin Tovuz istiqamətində vəziyyət yenidən gərginləşib.

Ermənistan silahlı qüvvələri Azərbaycan Ordusunun mövqelərini yenidən artilleriya atəşinə tutub. 

Azərbaycan Ordusu adekvat cavab tədbirləri həyata keçirir".

Ölkə.Az

ŞƏRH YAZ
0
BAĞLA