“Zəngin bir ölkədə insanları belə saxladığımız üçün utanmalıyıq”
“Ölkə.Az” TRT-yə istinadən xəbər verir ki, Ölkənin Statistik Bürosunun (CBS) məlumatına görə, ölkədə 18 - 65 yaş arası evsizlərin sayı 2009-cu ildə 17 min 800 idisə, 2018-ci ildə 39 min 300-ə yüksəlib.
Araşdırmalara görə, evsizlərin 57 faizini qaçqınlar təşkil edir. Avropa mənşəli olmayan, ölkəyə gələn immiqrant evsizlərin sayı təxminən 3 qat artaraq 6500-dən 18 min 300-ə çıxıb. Bu adamların 16 faizi qadınlardır. 18 - 30 yaş arası evsizlərdə isə bu rəqəm 3 dəfə artaraq 4 mindən 12.600-ə yüksəlib.
Evsizlərin 37 faizi Amsterdam, Rotterdam, Haaqa və Utrext kimi böyük şəhərlərdə yaşayır.
Qeyd edək ki, ölkədə qaçaq yaşayan evsizlər hesabata daxil deyil.
Hollandiya Səhiyyə, Rifah və İdman Nazirliyinin dövlət məsləhətçisi Paul Bloxuis (Paul Blokhuis) ictimai nəşriyyat orqanı olan NOS-da dərc olunan hesabatda bu rəqəmlərin "ürküdücü" olduğunu bildirərək deyib:
“Ölkədə evsizlərin sayının enməsi yerinə artdığını bilirdik, lakin bu qədər böyük rəqəmin olması bir xəyal qırıqlığıdır. Zəngin bir ölkədə insanları yaxşı bir dam altında saxlamağı bacara bilmədiyimiz üçün utanmalıyıq”.
Ölkə.Az
