Azərbaycanda möhtəşəm mühəndis işi
Dönmə və qəza işıqları, yeni sükan və digər xırda detallar nəzərə alınıb.
"Ölkə.Az" Xəzər TV-yə istinadla xəbər verir ki, Astara rayonunun Şiyəkəran kənd sakini olan Ceyhun Babayev ''muravey''motosikletinin konstruksiyasında dəyişikliklər edərək yük maşını düzəldib. O, yükün daşınması üçün nəzərdə tutduğu texnikanı 6 ay müddətində ərsəyə gətirib. Bu müddət ərzində 2500 manatdan çox pul sərf olunub. Maşın dizel yanacağı ilə işləyir. 100 km-ə isə 2 litr yanacaq sərfiyatı var.
Ceyhun Babayev maşının hazırlanmasında bir neçə avtomobilin hissələrindən istifadə edib. O, yeni nəqliyyat vasitəsinin elektrik işlərini də özünün gördüyünü deyir.
Yeni maşın 100-dən artıq ot bağlamasını götürmək gücünə malikdir. Ceyhun Babayev düzəltdiyi texnikanı daha da təkmilləşdirmək fikrindədir.
Ölkə.Az