Zərnigar Ağakişiyevayla vida mərasiminin harada keçiriləcəyi MƏLUM DEYİL
"Xalq artisti Zərnigar Ağakişiyevayla vida mərasiminin harada keçiriləcəyi hələlik məlum deyil".
Bu fikirləri "Ölkə.Az"-a açıqlamasında Mədəniyyət və Turizm Nazirliyinin şöbə müdiri Vüqar Şıxməmmədov səsləndirib.
Şöbə müdiri bildirib ki, hazırda xalq artistinin cəsədi Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyindədir:
"Ölüm səbəbi bilinəndən sonra vida mərasiminin harada keçiriləcəyi barədə məlumat verəcəyik".
Qeyd edək ki, 72 yaşlı Zərnigar Ağakişiyeva ötən gecə evində ölü tapılıb. İlkin ehtimala görə o, ürək tutmasından vəfat edib
İntiqam VALEHOĞLU
Ölkə.Az
