Zəvvarlarla dolu avtobus çaya düşdü

“Ölkə.Az” xəbər verir ki, hadisə Hindistanın Uttarakxand ştatında qeydə alınıb. İçərisi insanla dolu avtobus çaya düşüb. Qəza nəticəsində azı 22 nəfər həlak olub, 8 nəfər yaralanıb.

Hadisə zamanı avtobusda Qanqın əsas qolu olan Bxagiratxi çayının axdığı Madxya-Pradeş ştatında yerləşən Qanqotri məntəqəsindən qayıdan zəvvarlar olub. Qəzanın baş vermə səbəbi hələlik məlum deyil. Hadisə ilə bağlı polis araşdırma aparır.

Madxya-Pradeş ştatının rəhbərliyi qəza zamanı həlak olanların ailələrinə kompensasiyalar verəcək. 

Qeyd edək ki, Hindistan yol qəzalarının baş verməsinə və hadisələr zamanı insan ölümünə görə dünyada birinci yerdədir. Orada hər saat çox güclü yol qəzaları baş verir. Hər il Hindistanda 200 minə yaxın insan yol qəzaları zamanı ölür.

Ziya Səccad
Ölkə.Az