Zeynəb Xanlarovadan Milli Məclisdə
“Ölkə.Az”-ın məlumatına görə, bu fikirləri Milli Məclisin bu gün keçirilən plenar iclasında çıxışı zamanı deputat, xalq artisti Zeynəb Xanlarova bildirib.
Z.Xanlarova danışıqların artıq tükəndiyini söyləyib:
“Mən onu demək istəyirəm ki, bu danışıqlara qulaq asan, bu işlərə baxan, problem həll edən yoxdur. Elə müharibə edib, torpağımızı geri alaq. Öz torpağımızı alırıq da! Son 25 ildə görün nə qədər şəhidlər vermişik. Birdəfəlik ya ölüm, ya da qalım olsun. Nə ATƏT-ə, nə də filankəsə qulaq asıram. Mənim evimə giriblər. Mən heç kimin evinə girməmişəm. Amma hər şeyin bir həddi var. Həmişə sülh tərəfdarı olmuşam, 25 ildir burada danışırıq. Hər dəfə şəhid verəndə elə bilirəm ki, balalarım ölür, ağlamağım gəlir, bağrım çatlayır. Biz haçana qədər dözməliyik? Onsuz da onlar müsəlmanın düşmənidir. Mənim müharibə etməyə gücüm çatar. Niyə onlardan xahiş edirəm ki, icazə verin torpağımı geri qaytarsınlar. Niyə icazə istəməliyəm. Torpağımı alıb, mən də gedirəm torpağımı geri almağa. Xocalını geri qaytarmaq lazımdır. Ürəyimdən gələn sözlərimi deyirəm. Həmişə xaricə gedəndə öz disklərimin yerinə Xocalı soyqırımı ilə bağlı diskləri aparırdım. Allah erməniləri vurub. Vuruşmaq və torpaqları almaq lazımdır”.
Zaur Əziz
Ölkə.Az