Zeynəb Xanlarovanın ölüm xəbəri ilə bağlı
Bu sözləri ölüm xəbəri yayılan Xalq artisti Zeynəb Xanlarovanın qardaşı qızı, Əməkdar artist Mehriban Xanlarova “Ölkə.Az”ın əməkdaşı ilə söhbəti zamanı deyib.
“İnanın, səhərə qədər yatmamışam, xəbəri eşidən bütün dostlar, tanışlar təlaşla zəng vurub. Bu qədər sevənləri olan bir sənətkar, insan barədə bu cür bəd xəbəri yaymaq nə qədər doğrudur. İnsanları belə təlaşa salmağa kimin haqqı çatır?”
O, Xalq artistinin ABŞ-da müalicə aldığını və orada dünyasını dəyişməsi ilə bağlı yayılan məlumatların ağ yalan olduğunu deyib:
“ Deyirlər ki, guya vəziyyəti ağırlaşıb və onu ABŞ-a aparıblar və orada da dünyasını dəyişib. Bu yayılan xəbərlər ağ yalandan, iftiradan başqa bir şey deyil. Hazırda Zeynəb Xanlarova sağ - salamatdır, vətənindədir. Belə yalan məlumatı yayanın tezliklə Allah cəzasını verəcək. Mən buna inanıram!”
Vüsalə Balayeva
Ölkə.Az
