Zoluşka həyatı yaşayan qadınlar — Dilənçidən milyonçuya çevrilən ulduzlar - SİYAHI

Zoluşka həyatı yaşayan qadınlar
12:15
12.07.2017
537
Maqazin
A
Bir çox ulduzlar ilk addımlarını atanda həddindən artıq kasıb olublar. Məsələn, Al Paçino teatr aktyoru olanda puluna qənaət etmək üçün günortalar yuxudan dururmuş ki, səhər qəhvəaltısı etməsin.

"Ölkə.Az" bu gün oxucularına dünya ulduzları arasında Zoluşka həyatı yaşayan, yəni kasıbçılıqdan varlı həyata keçid edən qadın ulduzları təqdim edir.

1. Ani Lorak

Məşhur müğənni Ani Lorak təkcə Zoluşka yox, Roksolana da adlandırılır. Əsl adı Karolina Kuek olan müğənninin uşaqlığı yetimlər evində keçib. Ani bu uşaq evinə 3 övladı təkbaşına böyütmək məcburiyyətində qalan anası tərəfindən tərk edilib. Ac uşaqlıq illəri, normal olmayan şərait və valideyn qayğısından məhrumluq gələcəyin ulduzunu bərkidib.


2. Vera Brejneva

Müğənni Vera Brejneva da çətin yol keçib. Onun 3 bacısı var və kifayət qədər yoxsulluq içində böyüyüblər. Onun atası zədə nəticəsindən əlil olub. Yeniyetmə yaşlarında Vera dayə və qabyuyan işləyib. Gələcəyin ulduzu pulsuz olduğu üçün buraxılış gecəsində iştirak etməyib.


3. Niki Minaj

Repçi Niki Minaj da çox kasıb ailədə doğulub. Onun əsl adı Onika Tanya Marajdır və Amerikaya Trinidadadan köçüb. Əvvəlcə Nikinin tərbiyəsi ilə nənəsi məşğul olub. 5 il sonra isə valideynləri Kunisdə ev tapdılar. Çox kasıb rayonda yaşanan həyat qıza öz təsirini edir. Onun valideynləri dalaşanda Niki maşında oturaraq gələcək hitlərini bəstələyirdi.


4. Natalya Vodyanova

Əsl Zoluşka həyatını Rusiyanın dünya şöhrətli modeli Vodyanova yaşayıb. O, atasız böyüyüb. Anası sonradan ikinci dəfə ailə həyatı qurub və iki qız övladı dünyaya gətirib. Natalya uşaq yaşlarından bacılarının tərbiyəsində anasına kömək edib və bazarda ağır işlərin qulpundan yapışıb. Bir dəfə model agenti onun üzünü görür və Natalyanın karyerası başlayır. Sonradan Natalya ingilis lordu Castin Portmana ərə gedir və 3 uşaq dünyaya gətirir. Lordla ayrıldıqdan sonra məşhur model iş adamı Antuan Arno ilə görüşür və ona iki oğlan övladı dünyaya gətirir.


5. Viktoriya Bonya

Viktoriya da kasıbçılığın nə olduğunu bilir. O, atasız böyüyüb. Ailə həddindən artıq kasıb olub. Viktoriya Krasnokamenskdən Moskvaya gələndə yeməyə pul tapa bilmirdi. Ulduz indi etiraf edir ki, çox vaxt sadəcə çörək və qaynadılmış makaronla qidalanıb. "Ev-2" layihəsində iştirak etdikdən sonra Bonyanın həyatı dəyişir. O, monakolu milyonçu ilə ailə qurur.


6. Sara Cessika Parker

"Böyük şəhərdə seks" serialının ulduzu Sara da çoxuşaqlı ailədə böyüyüb. Parkerlər ailəsinin 8 övladı olub. Aktrisa doğma atasını xatırlamır. Ögey atası isə sürücü işləyib və qəpik-quruş qazanıb. Bu səbəbdən Sara həyatın ona bəxş etdiyi hər şeyi dəyərləndirir.


7. Selin Dion

Əfsanəvi səsə malik Selin də ağır həyat keçirib. O, böyük və çox kasıb ailədə böyüyüb. Ailənin 14 övladı olub və Selin bu ailənin ən kiçik üzvüdür.


8. Leyton Mister

"Qeybətcil" serialının ulduzu olan Leyton kübar cəmiyyətinə aid qız rolunu canlandırsa da, çətin keçmişi olub. Onun atası və anası Yamaykadan Amerikaya narkotik maddə daşıyan cinayətkar olublar. Leyton həbsxanada anadan olub. Gələcəyin ulduzunu nənəsi, sonra isə anası böyüdüb.

Hikmət
Ölkə.Az

ŞƏRH YAZ
0

"Lider"in aparıcıları arasında rəqabət — Kim qalib gəldi? (VİDEO)

15:02
Bu gün
246
Maqazin
A
"Lider" telekanalında yayımlanan "Fortuna" verilişi növbəti buraxılışında metronun "Xalqlar Dostluğu" stansiyasının ətrafında axtarışa çıxıb.

"Ölkə.Az"ın məlumatına görə, Aqşin və Nərgizin təqdimatında yayımlanan verilişin qonaqları meyxanaçı bəstəkar-müğənni Samir Vida və müğənni Lətafət Məhərrəmli axtarış üçün aparıcılara kömək ediblər. Ənənəsinə sadiq qalan "Fortuna" bu dəfə də qalibi Gürcüstana üç günlük tətilə göndərib.  

Verilişdəki digər maraqlı məqamları və hadisələri görmək üçün "Ölkə.Az"ın informasiya dəstəkçisi olduğu "Fortuna"nı iyunun 22-i, saat 23-00-da izləyə bilərsiniz.

Ölkə.Az

ŞƏRH YAZ
0

Brilyant Dadaşova İlhamədən danışdı, ADINI ÇƏKMƏDİ

Brilyant Dadaşova İlhamədən danışdı, ADINI ÇƏKMƏDİ
14:25
Bu gün
839
Maqazin
A
Xalq artisti Brilyant Dadaşova "Space" telekanalında Kamran Həsənlinin aparıcısı olduğu "Onda başladıq" verilişində maraqlı açıqlamalar verib.

"Ölkə.Az"-ın məlumatına görə, sənətkar bildirib ki, yaxşı musiqini oxumaq üçün icazə almaq lazım deyil:

"Əgər musiqi yaxşıdırsa, neçə müğənni oxuyur, oxusun. Bu yaxınlarda Sevda Yəhyaveva mənə zəng vurdu ki, filan mahnını oxumaq istəyirəm, razılıq verdim. Bəzi sənətçilər buna halallıq almaq deyirlər. Axı musiqidə nə halallıq? Bəstəkarlarımızın əsərləri oxunmalı və yaşamalıdır. Bu ənənəni bir nəfər qoymuşdu, indi vəfat edib, adını çəkmək istəmirəm. Bir daha deyirəm ki, mahnını oxumaq üçün icazə almaq lazım deyil".

Qeyd edək ki, İ.Quliyeva ilk ifaçısı olduğu Fikrət Əmirovun "De görüm, neyləmişəm?" mahnısını Brilyant Dadaşovanın oxumasına sərt reaksiya vermişdi.

İntiqam VALEHOĞLU
Ölkə.Az

ŞƏRH YAZ
0
BAĞLA