Zorlanan qız intihar etdi — Yazdığı son məktub anasını gözyaşına boğdu

Zorlanan qız intihar etdi
16:15
13.11.2017
11703
Dünya
A
Avstraliyanın Melburn şəhərində tükləri ürpərdən hadisə baş verib.

"Ölkə.Az" xəbər verir ki, Kassidi Trevan adlı qız rəfiqələrinin oyununa gəlib. Qızlar Kassidini festival adı ilə çağırıb bir evə aparıblar. Evdə iki nəfər oğlan qızı zorlayıblar. Kassidinin 13 yaşı olub. Qız baş verən hadisə barədə polisə məlumat versə də, dəlillər olmadığı üçün cinayət işi açılmayıb.

Kassidinin anası Linda qızını başqa məktəbə yazdırıb. Amma sinif yoldaşları onu yeni məktəbdə də tapıblar. Kassini depresiyaya düşərək evdən çölə çıxmayıb. Bir müddət sonra qız intihar edir və anasına məktub yazıb qoyur. Məktubun məzmunu belə idi:

"Köhnə məktəbdəki sinif yoldaşlarım tərəfindən zorlandım. Bəlkə də diqqət cəlb etmək üçün bunları yazdığımı düşünürsünüz. Məktubu yazma səbəblərimi açıqlayıram.

Məqsədim mənimlə eyni vəziyyətdə olanlara tək olmadığını xatırlatmaqdır. Bu zorakılığı dayanırmaq gücünüz var. Bunu edənlərlə eyni cərgələrdə əyləşdim. İnanmaq çox çətindir.

Məktubu yazmaqda məqsədim məni zorlayanları və ya buna şərait yaradanları cəzalandırmaq deyil. Diqqət çəkmək də istəmirəm.

Məqsədim 7-12 yaş arası 1.500 şagirdi olan məktəbi və valideynləri xəbərdar etməkdir. Məktəb rəhbərliyi baş verənlərə görə heç nə etmədi. Sizi xəbərdar etmək mənim vəzifəmdir.

Bunu özüm üçün də edirəm. 1.5 ildən sonra tək qalmaq istəmirəm. Məktəbdə üzdən tanımadığım insanlar "Facebook"da məni təhqir edirlər. Yaşıdlarımın dedi-qodularının qarşısını ala bilmirəm".

Hikmət Həsənov
Ölkə.Az

ŞƏRH YAZ
0

NASA Aya robot-geoloqlar göndərir

NASA Aya robot-geoloqlar göndərir
16:15
22.02.2019
2172
Dünya
A
NASA-nın elmi şöbəsi bu ilin sonuna qədər Aya bir sıra missiyalar planlaşdırır.

“Ölkə.Az” xəbər verir ki, missiyaların siyahısı qurumun rəsmi internet səhifəsində dərc edilib.

Şöbənin direktor müavini Stiv Klark məsələ ilə bağlı deyib: 

“Yerin peykinə göndəriləcək aparatlar bizim üçün nümunə şarı olacaq. Bu, bizə Aya elmi missiyanın aparılması üçün infrastrukturun inşasına kömək edəcək. Biz yerli şirkətlərdən istifadə edəcəyik. Bu məqsədlə hər il müvafiq müsabiqələr keçiriləcək”.

ABŞ-da keçirilən prezident seçkilərində Donald Trampın qələbəsindən sonra NASA-nın əsas tapşırıqlarından biri kosmosun fəthi və insanın Aya qayıdışı olub. Tramp və NASA-nın administratoru Cim Braydenstin tez-tez Ayın orbitində stansiya inşası planlarından danışır, Ayın səthində daimi infrastrukturun qurulmasından bəhs edirlər. Bu işdə ilk addım NASA və aparıcı 9 kosmik startap və iri şirkətin ötən ilin noyabr ayında imzaladığı müqavilə olub. Bu müqavilə çərçivəsində NASA yaxın illərdə Aya aparatlarını aparmaq üçün onların xidmətindən istifadə edə biləcək.

Hikmət Həsənov
Ölkə.Az

ŞƏRH YAZ
0

Ekvadorda dəhşətli zəlzələ

Ekvadorda dəhşətli zəlzələ
15:38
22.02.2019
1438
Dünya
A
Ekvadorun şərqində güclü zəlzələ meydana gəlib.

 “Ölkə.Az” xəbər verir ki, ABŞ Geologiya xidmətinin məlumatına əsasən, yeraltı təkanlar 7.7 bal gücündə olub.

Zəlzələ Ekvadorun Palora şəhərinin 132 km cənub-şərqində qeydə alınıb. Yeraltı təkanların episentri 152 km dərinlikdə olub. Tələfat və dağıntılar barədə hələ məlumat yoxdur.

Hikmət Həsənov
Ölkə.Az

ŞƏRH YAZ
0
BAĞLA