Helikopter qəzasında yaralananlardan daha bir AÇIQLAMA - VİDEO
"Ölkə.Az" xəbər verir ki, Baku TV əməkdaşları noyabrın 30-u Qaraheybət aviasiya poliqonunda baş verən qəza zamanı yaralanan polkovnik-leytenant Emil Cəfərov və kapitan Ramin Ədilov ilə danışıb.
Polkovnik-leytenant Emil Cəfərov bildirib ki, sol qolunun bazu sümüyündə sınıq və topuğunda əziklər var.
“Plana uyğun olaraq Qaraheybət aviasiya poliqonunda praktiki atışlı təlim-məşq uçuşları yerinə yetirməli idik. Buna görə də öz bazamızdan qalxaraq Qaraheybət aviasiya poliqonuna tərəf uçuş həyata keçirdik. Eniş yerinə yetirilərkən son anda qəza baş verdi”- deyə, o qeyd edib.
“Səhhətim stabildir, müayinələrim olunur. Üzümdə və sol dizimdə zədələr var”.
Bu sözləri kapitan Ramin Ədilov deyib.
O həm də bildirib ki, Qaraheybət poliqonunda seçilmiş əraziyə eniş edərkən hadisə baş verib.
