Azərbaycanda övladları erkən doğulan ailə maşınlarını satdı, evdən çıxarıldı, işsiz qaldı

Azərbaycanda gənc ailəninin başına gəlməyən qalmayıb.

Ölkə.az xəbər verir ki, bu barədə Təmiz Dünya Qadinlara Yardim Ictimai Birliyinin sədri Mehriban Zeynalova paylaşım edib.

“Xanım 5 aylıq erkən doğum etdikdən sonra psixoloji travmalar yaşayır. Əri xanımını və yeni dünyaya gələn övladını müalicə etmək üçün tək əmlakı olan avtomobilini satıb. Müalicələrə buda kifayət etməyib. Ailəni kirayə pulu ödənmədiyinə görə evdəndə çıxarıblar. Bu azmış kimi ata müalicəyə çox vaxt ayırdığından işə gedə bilmədiyinə görə işdəndə çıxarıblar”, - deyə o qeyd edib.

Hazırda ailənin sığınacaqda olduğunu deyən M.Zeynalova atanın işə düzəlməsi, ana və övladının müalicə alması üçün insanlardan dəstək olmalarını xahiş edib.

Billurə Yunus