Dağıntılar altından xilas edilən azərbaycanlı tələləbələrin FOTOLARI (YENİLƏNİB)
Türkiyədə baş verən zəlzələ zamanı xəsarət alan azərbaycanlı tələbələrin bacısı danışıb.
Ölkə.az xəbər verir ki, Gülşən və Jalənin bacısı Ayşən Cəfərova Day.az-a açıqlamasında deyib ki, onlardan xəbər ala bilmirlər.
"Bacımın biri Kahramanmaraşda, digəri isə Kırşehirdə oxuyur. Gülşən 4-cü, Jalə isə 1-ci kursdadır. Lalə tətildə olduğu üçün Gülşənin yanına gəlib. Telefonları dağıntılar altında qaldığı üçün heç bir xəbər ala bilmirik. Onların xilas edildiyi bildirilir. Amma harda olduqlarını bilmirik. Səhər dəqiq məlumatımız olacaq".
Ayşən Cəfərova bildirib ki, Gülşən Cəfərova Kahramanmaraş Şütçü İmam Universitetində, Jalə Cəfərova isə Kırşehir Ahi Evran Universitetində oxuyur.
Qeyd edək ki, rəsmi məlumata görə zəlzələ nəticəsində 912 nəfər həyatını itirib. 5385 nəfər yaralanıb. 2470 nəfər dağıntı altından xilas edilib.
***
Türkiyədə baş verən zəlzələdə azərbaycanlılar da xəsarət alıb.
Bu barədə Redaktor.az-a Türkiyədə yaşayan jurnalist Nigar Almanqızı məlumat verib.
Onun sözlərinə görə, Kahramanmaraş rayonu, İsmet paşa məhəlləsi, Trabzon prospektindəki binanın dağıntıları altından Sütçü Universitetinin tələbələri Gulşen və Jalə Cəfərova bacıları çıxarılıb.
“Onların hazırda hansı xəstəxanaya aparılmalarını araşdırıram. Telefonları dağıntılar altında qaldığı üçün əlaqə yaratmaq mümkün deyil. Sadəcə olaraq, onlarla birlikdə xilas edilən başqa bir soydaşımızın dediyinə görə, vəziyyətləri ağır olub, hara aparıldıqları barədə onun da məlumatı yoxdur. Gün ərzində sizə yeni məlumatlar göndərəcəyəm”,- deyə həmkarımız əlavə etdi.
