Laçında Türkiyə ilə birgə hərbi təlimlərlər nəyə hesablanıb? - ŞƏRH

"Ölkə.Az" xəbər verir ki, siyasi şərhçi Asif Nərimanlı Laçında Azərbaycan və Türkiyənin birgə hərbi təlimlərinə başlamısını şərh edib. 

Şərhçi bildirib ki, bu təlimlər iki kontekstdə əhəmiyyətlidir:

"Birincisi, Ankara və Bakı ilk dəfə işğaldan azad olunmuş ərazilərdə hərbi müstəvidə addım atır. İkincisi isə, işğaldan azad olunmuş ərazilərdə ilk hərbi təlim məhz Laçında keçirilir".

Asif Nərimanlı qeyd edir ki, bu iki amil özündə mühüm mesajları da ehtiva edir:

1. Türkiyə bu təlimlərlə Qarabağda bundan sonra hərbi mütəvidə baş verə biləcək proseslərdə Azərbaycanla birgə hərəkət edəcəyini əyani şəkildə göstərir;
2. Bakı Laçın dəhlizinə vizual nəzarəti gücləndirir: Türkiyə ilə birgə təlimlərin dəhlizin keçdiyi bölgədə keçirilməsi Azərbaycanın bu nəzarətdən geri çəkilməyəcəyi, əksinə daha da artıracağı deməkdir və təlimlər bu prosesdə Bakının əlini gücləndirməyə hesablanıb;
3. Təlimlər həm də bir həftə öncə (30 avqust) Laçın dəhlizində “təhlükəsizliyi təmin etmək” və PUA hücumlarına qarşı təlim keçirən rus sülhməramlılarına cavab hesab oluna bilər: Bakı və Ankara dəhlizin keçdiyi Laçında “əzələ nümayişi” edir;

O, həmçinin vurğulayır ki, iki ölkənin Bakıda sentyabrın 2-də başlayan və 12-nə qədər davam edəcək hərbi təlimləri paralel şəkildə azad edilmiş ərazilərə də köçürməsi diqqət çəkir:

"Rəsmi Bakı diplomatik masada tələblərində israr edir və təlimlərlə “hərbi varianta” da hazır olduğunu nümayiş etdirir".