Lukaşenko müharibə ehtimalından danışdı: “Müharibə başlasa, hamı uduzacaq”
“Ölkə.Az” xəbər verir ki, bunu Belarus prezidenti Aleksandr Lukaşenko cümə günü Belarus xalqına və parlamentinə müraciət edərək deyib.
“Müharibə olacaq, ya olmayacaq? Bəli, olacaq, ancaq iki halda: Belarusa qarşı təcavüz edilərsə, ikincisi isə bizim müttəfiqimiz - Rusiya b hücuma məruz qalarsa...”- Lukaşenko qeyd edib.
O əlavə edib ki, Rusiya hərbi təcavüzə məruz qalarsa, o zaman bu, Belarusa hücum kimi qəbul ediləcək və həmin müharibədə iştirak edəcək.
Eyni zamanda o qeyd edib ki, Belarus istənilən hərbi əməliyyata qəti şəkildə qarşıdır.
Lukaşenko onu da əlavə edib ki, müharibə başlasa, hamı uduzacaq.
“Bu müharibədə qələbə olmayacaq, hamımız uduzacağıq, ona görə də müharibə istəmirik, biz çox vuruşmuşuq”, - prezident vurğulayıb.
Mürtəza
Ölkə.Az