Bu gün muzeylərə giriş pulsuzdur
27 sentyabr dünyada Ümumdünya Turizm Günü kimi qeyd olunur
Bu gün saat 10:00-dan Mədəniyyət və Turizm Nazirliyinin və “İçərişəhər” Dövlət Tarix Memarlıq Qoruğu İdarəsinin tabeçiliyində olan turizm nümayişi obyektlərinə (muzeylərə, qoruqlara, komplekslərə və abidələrə) bir günlük pulsuz giriş (açıq qapı) elan olunub.
Bu bir günlük kampaniya Ümumdünya Turizm Günü ilə əlaqədardır.
Qeyd edək ki, 27 sentyabr dünyada Ümumdünya Turizm Günü kimi qeyd olunur.
1925-ci ildən Cenevrədə müxtəlif adlar altında fəaliyyət göstərən turizm təşkilatı 1970-ci il 27 sentyabr tarixdə Ümumdünya Turizm Təşkilatı kimi formalaşıb.
1979-cu ildə Baş Qərargahı Madrid şəhərinə köçən təşkilat 27 sentyabr – Ümumdünya Turizm Gününü təsis edib.
Azərbaycanda Ümumdünya Turizm Günü 2001-ci ildən, Azərbaycanın Beynəlxalq Turizm Təşkilatına üzv olan vaxtdan qeyd olunur./Gün.az/
Ölkə.Az
