Leyla Rəsulzadənin məzarı bərpa edildi
"Ölkə.Az" xəbər verir ki, bu günlərdə Leyla Rəsulzadənin məzarı bərpa edilib. Bu barədə xəbəri Türkiyədə yaşayan jurnalist Könül Şamilqızı "Facebook" sosial şəbəkəsindəki səhifəsində məlumat verib.
Məlumatda deyilir: "Bir yola çıxanda arxanızda kiminsə durduğunu görməkdən gözəl heç nə yoxdur. Mən bir təşəbbüs göstərdim və Azərbaycan Mədəniyyət Dərnəyi dağ kimi arxamda durdu. Böyük liderimiz Məhəmməd Əmin Rəsulzadənin xanımı Leyla Rəsulzadənin məzarı Azərbaycan Mədəniyyət Dərnəyinin təşəbbüsü, Abidələr Dərnəyinin dəstəyi ilə bərpa edildi. Məzarın sadə olmasını mən istədim, sağ olsunlar, fikrimi soruşdular, mən də Leyla xanım kimi sadə və zərif olsun dedim. Bir də həmişə üstündə çiçəklər olsun dedim. Sabah gəlib çiçəkləri də əkəcəm. Çox xoşbəxtəm, qürurluyam".
Hikmət Həsənov
Ölkə.Az
