Qərbin neft maraqları Ermənistanın hədəfində
Ermənilər Bakı-Tiflis-Ceyhanı vurmağı hədəfləyir
Ölkə.az məlumat verir ki, erməni separatçılarının hücmları nəticəsində gərginləşən vəziyyət Azərbaycanı təcili tədbirlər görməyə məcbur edib.
Cəbhənin Ağdam və Tərtər istiqamətində hücumlarını intensiv surətdə davam etdirən ermənilərin atəş nöqtlərini zərərsizləşdirmək üçün Azərbaycan silahlı qüvvələri kompleks tədbirlər görür. Ermənilərin hücumlarından əsasən dinc əhalinin zərər görməsi vəziyyətin ciddiliyini bir daha gözlər önünə sərir.
Ölkə.az-a daxil olan bir məlumatda bildirilir ki, Azərbaycan rəhbərliyi hər iki istiqamətdən düşmənin hücumlarının qarşısını almaq məqsədi ilə işğal altında olan Qarabağ ərazisindəki bütün hərbiləşdirilmiş nöqtələrin vurulacağı haqda göstəriş verib.
Ermənistan döyüş xəttində atəşkəsi pozaraq regional sühü, Cənubi Qafqazda gerçəkləşdirilmiş dünyanın ən iri biznes-layihələrindən olan "İpək Yolu" nəqliyyat dəhlizi, Bakı-Tiflis-Ceyhan neft boru xətti, Bakı-Ərzurum qaz kəməri və Bakı-Tiflis-Qars dəmiryolu layhələrini böyük təhlükə altında qoyur. Döyüşlərin qızışdığı ərazinin isə adıçəkilən nəqliyyat və boru xətlərinin keçdiyi yerə nə qədər yaxın yerləşdiyini nəzərə alsaq, həyacan siqnalı çalmağın əsl vaxtının gəldiyini görmüş olarıq.
ABŞ və İngiltərənin maraqları Ermənistanın hədəfində
Adı çəkilən layihələrin əsas sərmayədarları olan Qərbin inkişaf etmiş dövlətlərinin (ABŞ, İgiltərə, Fransa və.s) siyasi və iqtisadi maraqları Ermənistan dövlət terrorunun hədəfinə çevrilib. İşğal olunmuş Qarabağdakı ermənilərin nəzarət etdiyi mövqelərdə ağır silahların, reaktiv artilleriyanın və yaxın mənzilli "Yer-yer" tipli raketlərin Bakı-Tiflis-Ceyhan-nın keçdiyi əraziyə tuşlandığı əldə olunan kəşfiyyat məlumatları ilə təsdiq edilmişdir. Hazırda Azərbaycan tərəfi qabaqlayıcı tədbirlər görür. Həssas bölgəyə ağır artilleriya, özüyeriyən toplar, "Qrad" kompleksləri və Xankəndində kök salmış erməni terror qruplaşmalarının hərbi düşərgələri və qərargahlarnı rahatlıqla vura biləcək raket kompleksləri yerləşdirilib. Milli ordunun Baş qərargahına yaxın mənbənin Ölkə.az-a verdiyi məlumatda Ermənistanın kənarda qaldığı və qısqanclıqdan heç cürə həzm edə bilmədiyi bu iri regional layihələri çoxdan hədəfə götürdüyü deyilir. Mənbə qeyd edir ki, vəziyyətin gərginləşməsindən istifadə edən Ermənistan Bakı-Ceyhan neft boru xəttini vurmağa cəhd göstərəcək.
Mənbə həmçinin bildirir ki, Azərbaycan kəşfiyyatı ermənilərin malik olduqları bütün silahlar haqqında müfəssəl məlumata malikdirlər və ermənilərin belə bir addımı atacaqları təqdirdə işğal etdikləri ərazi onlara sözün əsl mənasında məzar olacaqdır. Mənbənin sözlərinə görə, Dağlıq Qarabağ ərazisində vurulacaq olan bütün nöqtələr Azərbaycan ordusunun ən müasir silah növləri və kütləvi atəş komplekslərinin hədəfindədir.
"Hücum əmrinin verilcəyi təqdirdə, bir-neçə saat ərzində Dağlıq Qarabağ ərazisindəki bütün potensial atəş nöqtələri yerdən endirilən zərbələrlə məhv edilcək. Bura ermənilərin radar sistemləri da daxildir. Birinci zərbənin endirilməsindən sonra Dağlıq Qarabağ ərazisindəki bütün naviqasiya sistemləri, radio və traposfer rabitə cihazları kənardan müdaxilə ilə sıradan çıxarılacaq, müdaxilə dalğaları ilə sağ qalmış bütün radar sistemləri "kor ediləcək", daha sonra aviasiya dövrəyə girəcək və işğal olunmuş ərazilərimizdə ermənilərin yaratdığı bütün istehkam qurğuları, körpülər, strateji yollar, tunellər və digər obyektlər yerləbir ediləcək" - deyə mənbə vurğulayır.
Hazırda əldə edilən son məlumatlarda, Füzulidən başlayaraq Tərtərə qədər bütün cəbhəboyu ərazidə uzaqvuran artilleriya, reaktiv artilleriya və mobil raket sistemləri yerləşdirildiyi bildirilir.
Qafqaz Ömərov
Ölkə.az
