Oscar statues
Mətn ölçüsü:
  • 100%

Yunanlar və ermənilərin Türkiyəyə qarşı hazırladığı növbəti plan

"Dağlıq Qarabağda və Şərqi Aralıq dənizində əlləri hər şeydən üzülən iki məkrli toplum - ermənilər və yunanlar indi də Türkiyənin kosmik layihələrinə süni maneələr yaratmağa çalışırlar və bunun üçün az qala bütün lobi-diaspor resurslarını işə salıblar".

"Ölkə.Az" xəbər verir ki, bunu araşdırmaçı jurnalist Bəybala Mirzəyev söyləyib. 

"Bildiyimiz kimi qardaş ölkə Türkiyə artıq səkkizinci peykini kosmosa göndərməyə hazırlaşır.

Bu isə heç şübhəsiz ki, Türkiyənin ənənəvi düşmənləri olan ermənilər və yunanların ciddi şəkildə narahatlığına səbəb olub.

Odur ki, ABŞ-dakı yunan və erməni lobbiləri bütün qüvvələrini birləşdirərək Türkiyənin sözügedən “5B” rabitə peykini kosmosa çıxaracaq İlon Maskın “Space X” şirkətinə mane olmaq üçün necə deyərlər, düyməyə basıblar.

Bu məqsədlə Yunan-Amerika Şurası və Amerika Erməni Milli Komitəsi ənənəvi saxtakarlığa əl ataraq guya ki, “5B” rabitə peykinin “təhlükəli hərbi addımlar”a yol açdığı barədə iddia ilə çıxış ediblər. Onlar bu iddialarını hətta rəsmi məktub şəklində ABŞ Federal Aviasiya İdarəsinə də göndəriblər.

Məktubda yazılır: “ABŞ yaxın müttəfiqləri - Ermənistan və Yunanıstanın maraqlarını nəzərə almalıdır. Amerika Aviasiya İdarəsi vaxtında bunun qarşısını almalıdır. Türkiyə kosmosdakı peyk və yerdəki hərbi qüvvələrini peşəkar şəkildə istifadə etməyə başlayıb”.

ABŞ kimi qosqoca ölkənin yoluq müttəfiqlərinə bax e..."

Ekspert əlavə edib ki, nə Ermənistan, nədəki Yunanıstan iqtisadi cəhətdən heç bir potensiala və perspektivə sahib deyil:

"Və ikisi də daim diaspor pulları və dünya banklarını kreditləri hesabına yaşayan, xroniki böhran və borc içində yaşayan ölkələrdir. Amma di gəl ki, özlərini bir dünya devinə - Birləşmiş Ştatlara müttəfiq sayırlar...Yeri gəlmişkən, nə ABŞ Federal Aviasiya İdarəsi, nədəki Elon Mask erməni-yunan mafiyasının sözügedən məkrli məktubuna hələlik heç bir reaksiya verməyiblər. Yəqin ki, bu gedişlə heç reaksiya verməyəcəklər.

Çünki ortada böyük iqtisadi, strateji maraqlar var. Rəcəb Tayyip Ərdoğan və "Tesla"nın, "SpaceX"-in qurucusu Elon Musk arasında kosmik texnologiyalar sahəsində geniş iş birliyi anlaşmaları əldə edilib.

Odur ki, ermənilərin və yunanların isterikası böyük ehtimalla nəticəsiz qalacaq.

Türkiyənin və Azərbaycanın qlobal layihələrə imza atmaq çabaları düşmənlərimizi də hərəkətə gətirir.

Qarşıda bizi daha böyük mübarizələr gözləyir. Amma Türkiyə-Azərbaycan birliyi erməni-yunan, Ermənistan-Fransa müttəfiqliyindən daha güclüdür.

44 günlük müharibə də zatən bu həqiqəti təsdiqlədi".