Mətn ölçüsü:
  • 100%

Sərkisyanın istefası, Ermənistan ideologiyasının “fatihəsi” – Buna görə getdi...

Ermənistan prezidenti Armen Sərkisyanın gözlənilmədən istefa verməsi, erməni siyasi elitasında və erməni cəmiyyətində gələcəyə olan ümidsizlik sindromunu daha da sürətləndirdiyindən çox  ciddi şok effekti yaradıb. Ermənistanın siyasi elitası üçün Sərkisyanın istefasının səbəbləri hələ də müəmmalı olaraq qalır. Baxmayaraq ölkədə hərtərəfli, xüsusən də 44 günlük müharibə nəticəsində Azərbaycanın Cənubi Qafqazda yaratdığı yeni geosiyasi reallıqdan sonra Ermənistanın üzləşdiyi böhranın daha da dərinləşməsinə baxmayaraq, Sərkisyanın istefası üçün elə bir ciddi zəmin olmayıb. Məhz onun özü də xaricdə səfərdə olarkən istefa ərizəsi yazmasından daha çox narahat olanlar müxalifət, “Qarabağ klanı” və Rusiyanın təsir və nəzarətində olan siyasi qüvvələrdir. 

Sərkisyanın istefasında daha çox üstünlük bir neçə versiya üstünlük təşkil edir. 
Birincisi, ölkədaxili məsələdə Konstitusiyaya gözlənilən dəyişiklik, qarşıda hansısa sənədi imzalanması və gələcəkdə tarix qarşısında məsuliyyəti bölüşməmək üçün  istəmədiyindən istefa verməsi söylənilir.

İkinci versiya kimi isə xarici faktor və geosiyasi proseslər fonunda baş tutduğu deyilir. Daha doğrusu, Azərbaycanın 44 günlük müharibədən sonra Cənubi Qafqazda yaratdığı yeni geosiyasi, geoiqtisadi reallıq nəticəsində Ermənistanın gözləntiləri ilə bağlıdır. Çünki yeni reallığın şərtlərinə əsasən Ermənistan və dünya erməniliyinin indiyədək qonşularına, xüsusən də Azərbaycan və Türkiyəyə qarşı yürütdüyü  səhv siyasətdən əl çəkib, normal, beynəlxalq hüquq prinsiplərinə əsaslanan siyasət yürütməsi tələb olunur. Bu tələblər isə Ermənistanın uydurma erməni soyqırımı, qonşularına ərazi iddialarından əl çəkib, Azərbaycanın ərazi bütövlüyünü tanıyıb, sülh sazişi imzalayıb, Bakı və Ankara ilə normal qonşuluq münasibətlərinin qurulmasından ibarətdir. Bunun əksi isə Ermənistanı yeni-yeni faciələrə, itkilərə  və fəlakətlərə sürükləyir. İstər Ermənistanın indiki hakimiyyətinin, istərsə də digər siyasi qüvvələrin, müxalifətin ölkənin gələcəyi ilə bağlı aydın fikri yoxdur. Onlar hələ də keçmişdə ilişib qalıblar. Qərb dünya görüşünə malik və iki dəfə hakimiyyətdə təmsil olunan Sərkisyan bu yanlışlıqları görür və bu da onun istefaya getməsini şərtləndirən amillərdən biri hesab etmək olar. Nə qədər ki,  Ermənistan yerləşdiyi coğrafi məkanın  reallığını nəzərə almayıb, uzun illər boyunca yanlış siyasətindən ciddi nəticə çıxarıb qonşuları ilə normal münasibətlər qurub, siyasətində dönüş yaratmayınca fəlakətlərlə üzləşəcək və uçuruma yuvarlanacaq.

Odur ki Armen Sərkisyanın istefasını həm Ermənistana, həm də dünya erməniliyinə ciddi mesaj kimi qiymətləndirmək olar. 

Bu mesaj isə ondan ibarətdir ki, 44 günlük müharibədən sonra xarici ölkələrə səfəri zamanı Cənubi Qafqazda yaranan yeni reallıqların və balansın ciddi surətdə  Azərbaycanın xeyrinə dəyişib. Bunu görən Sərkisyan istefa verməklə məhz özünü Ermənistanın qarşıda üzləşəcəyi uğursuzluqdan sığortalamaq üçün belə bir addım atıb. Sərkisyan yaxşı anlayır ki, bu gün Ermənistanda fəaliyyət göstərən bütün qüvvələr daha çox xarici qüvvələrin və ölkələrin nəzarətindədir və ölkənin xalqın gələcəyi ilə bağlı hansısa müstəqil, sərbəst qərar vermək iqtidarında deyil.  İstər bundan öncəki, istər indiki hakimiyyət, istərsə də hakimiyyətə iddialı olan digər siyasi qüvvələr xarici ölkələrin maraqlarına xidmət edib, ona uyğun siyasət yürüdürlər ki, bunun da sonu iflas və Ermənistanın məhvi deməkdir. 

Sərkisyanın istefası ilə bağlı erməni piltotexnoloq Viqen Akopyan Ermənistanda yaranmış durumu daha obyektiv şərh edib. Bildirib ki, 44 günlük müharibədən sonra Paşinyan xarici qüvvələrin təsiri altında fəaliyyəti göstərir. 

“Bu isə onun göstərir ki, Ermənistan xarici idarəçilərin nəzarətindədir”- o qeyd edib. 
Bu fikri biz eyni ilə sabiq prezidentlər Serj Sərkisyan və Robert Köçəryan. Onların liderlik etdikləri siyasi qüvvələr barəsində də açıqca deyə bilərik. 

Bu, bir da onu göstərir ki, Ermənistan hər zaman xarici güclərin əlində bölgədə maraqlarını həyata keçirən böyük güclərin və ölkələrin əlində bir vasitə olub. Və bu proses bu gün də davam etməkdədir. 

Bütün bunları nəzərə alıb yekun olaraq deyə bilərik ki, Armen Sərkisyanın prezident vəzifəsindən istefa verməsini həm də Ermənistanın uzun illər boyunca yürüdülən yanlış siyasətinin acı nəticəsi və bir dövlət başçısının ölkənin sabaha olan ümidsizliyi kimi dəyərləndirmək olar. Ona görə də, Ermənistan və erməni cəmiyyəti Armen Sərkisyanın istefa mesajından lazımi düzgün nəticə çıxarmalıdır. Əgər düzgün nəticə çıxarılmayacaqsa, elə erməni siyasətçilər, politoloqlar və ekspertlərin bəyan etdiyi kimi Ermənistan dövlətçiliyini ciddi təhlükə gözləyir. O baxımdan da Ermənistan bu acı dərsdən nətisə çıxarmalıdır.

Mürtəza
Ölkə.Az