Ermənistan Azərbaycan qarşısında tab gətirə bilməyəcək - İmkanları tükənir ...
"Ölkə.Az" xəbər verir ki, bunu Milli.Az-a açıqlamasında siyasi analitik Turab Rzayev deyib.
O bildirib ki, düşmənçilik, revanş istəyini davam etdirən Ermənistanın heç bir perespektivi yoxdur:
"Ermənistan bu şəkildə davam etsə, öz dövlətçiliyini itirəcək. Rəsmi İrəvanın yeganə şansı öz qonşuları ilə - Azərbaycana, Türkiyəyə Gürcüstana qarşı torpaq iddialarından əl çəkmək və bu ölkələrə qarşı olan düşmənçilik münasibətini dayandıraraq mehriban qonşuluq, tərəfdaşlıq əlaqələri yaratmaq, iqtisadi əlaqələrini, ticarət əlaqələrini inkişaf etdirməkdir.
Tarix də göstərdi ki, necə ki, vaxtı ilə "böyük Ermənistan" xülyasına 1915-ci ildə Türkiyədə son qoyuldu, eyni şəkildə Qafqazda yeni bir erməni dövləti yaratmaq ideyası, 30 illik planları cəmi 44 günlük müharibə ilə alt-üst oldu. Bu, onu göstərir ki, bölgədə Azərbaycan və Türkiyəyə qarşı düşmənçilik münasibətini davam etdirən Ermənistanın heç bir perespektivi yoxdur. Ermənistan üçün yeganə çıxış yolu Azərbaycanla Türkiyənin ərazi bütövlüyünü, suverenliyini tanımaq, Azərbaycanla Türkiyə arasında olan nəqliyyat qovşaqlarında iştirak etmək, Zəngəzur dəhlizini açmaq, Azərbaycanla sərhədlərini delimitasiya və demarkasiya etmək və bunun nəticəsində yaranacaq iqtisadi, ticarət, tranzit imkanlarından istifadə etməkdir.
Başqa cür Ermənistanın heç bir iqtisadi potensialı yoxdur. Ermənistan əhalisi ölkədən köçür, Ermənistan sürətli olaraq öz əhalisini itirir. Bundan başqa Ermənistan borc içərisindədir. Bu ölkənin dövlət borcu müdafiə məhsullarından daha çoxdur. Ermənistan öz varlığını bu şəkildə qoruya bilməz. Diasporadan alınan 3, 5 milyonla Ermənistanın dövlət kimi ayaqda qalması mümükn deyil. Əksinə, Ermənistan Azərbaycanla, Türkiyə ilə sərhədləri açmalıdır, iqtisadi əməkdaşlığı təşviq etməlidir. Bunun nəticəsində ola bilsin ki, bu düşdüyü bərbad durumdan çıxa bilər".
