"Bu, Rusiyanın sonu olacaq..."

Dünya bazarlarında neftin qiyməti düşməkdə davam edir. Bunu Rusiyanı çökdürmək üçün Qərbin həyata keçirdiyi siyasət kimi qiymətləndirənlər də var. 

Bu məsələyə aydınlıq gətirmək üçün Ölkə.az politoloq Vəfa Quluzadədən açıqlama alıb. 

Vəfa müəllimin fikirlərini sizə təqdim edirik:

Vəfa Quluzadə: "Bunu demək çətindir. Sözsüz ki, Qərb əgər neftin qiymətini aşağı salacaq, və yaxın gələcəkdə Rusiyanın neftindən və qazından imtina edəcəksə, deməli Rusiya Fedarasiyası çökəcək. Bu vəziyyətdə Rusiya rəhbərliyi Qərblə barışa gedəcək və bütün məsələlərdə geri çəkiləcək. Hər şey rəhbərlikdən asılıdır. Əgər bu addımı atmasalar sözsüz ki, Rusiyanın dağılması təhlükəsi reallaşacaq. Azərbaycan da çətin vəziyətə düşəcək çünki Azərbaycan neftin qiyməti yüksək olduğu dövrdə iqtisadiyyatın inkişaf etdirdi. Neftin qiymətinin düşməsinin bizə də zərbəsi dəyəcək, amma Rusiyaya dəyən zərər qədər yox. Rusiya tamam başqa dövlətdir, çoxmillətli böyük bir imperiyadır, biz isə unitar dövlətik. Mən hesab edirəm ki, biz dolanacağıq və elə də böyük problem yaşamayacağıq".

- Büdcədə ixrac etdiyimiz neftin bir barrelinin 99 dollardan hesablanmasını necə qarşıladınız?

- Yenidən hesablamalar lazım olacaq. Hesab edirəm ki, büdcəyə yenidən baxılmalıdır. Əgər biz 99 dolardan hesablamışıqsa və müxtəlif layihələrə pul ayırmışıqsa, indi bunları yəqin ki, ixtisar edəcəyik. Neftin qiymətin azalması qənaəti artırmağın vaxtının çatdığından xəbər verir. Büdcənin xərclərindən müəyyən kəsmək məcburiyyətində qalacağıq.

Səxavət Məmməd

Ölkə.az