"Gənclərin orta ixtisas təhsilinə marağı artıb" - Məleykə Abbaszadə
“Ərizələrində həm ali, həm də orta ixtisas təhsili müəssisələrini qeyd edən abituriyentlərin sayı 83 mindir”.
Ölkə.Az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə ali təhsil müəssisələrinə sənəd qəbulunun başa çatması və buraxılış imtahanlarına həsr olunmuş mətbuat konfransında deyib.
“Bu o deməkdir ki, gənclər arasında orta ixtisas təhsili almağa maraq artıb.
Ərizələrində yalnız ali təhsil müəssisəsi qeyd edən abituriyentlərin sayı isə cəmi 21 mindir. Bu, real, öz gücünə inanan və yalnız ali təhsil almaq istəyən şəxslərdir”,- DİM rəsmisi bildirib.
Billurə Yunus
