23 yaşlı Cabarın köməyinizə ehtiyacı var - FOTO

Bu barədə Ölkə.Az-a onun atası Abdurrəhmanov Faiq Fazil oğlu məlumat verib. O bildirib ki, övladı anadangəlmə ürək qüsurundan əziyyət çəkir.

“Oğlum birinci qrup əlildir, amma təəssüf ki, əlillik müavinəti (470 manat) onun dərmanları üçün kifayət etmir. 
Övladımı ölkədəki bütün özəl və dövlət xəstəxanalarına aparmışam. Həkimlərin gəldiyi son qənaət budur ki, müalicəni ancaq xarici ölkədə davam etdirə bilərik. Oğlumun əməliyyatını isə Türkiyə, Almaniya və Belarusda etmək mümkündür.  Türkiyədə əməliyyat üçün minimum 80 min- 100 min manat ödəniş tələb olunur. Mənim isə buna maddi imkanım çatmır. 

Övladımın müalicəsi üçün icbari tibbi sığortaya müraciət etsəm də,müalicə xərclərinin sığorta ilə qarşılanmadığını bildirdilər.
Özüm 5-10 manat çörəkpuluna işləyirəm və bununla ailəmi güclə saxlayıram. Oğluma isə 800 manatlıq dərmanlar yazılıb və bunu almağa imkanım yoxdur.
Övladımın sağlamlığına qovuşması üçün imkanlı şəxslərin dəstəyinə ehtiyacımız var”,- deyə o söyləyib.

Qeyd edək ki, Cabar ailədə 3 övladdan ən böyüyüdür. Onun özündən kiçik 2 qardaşı da var. Anası evdar xanım, atası isə fəhlədir.

Əlaqə: 051 408 38 87
Kapital bank: 4169 7413 7267 4786

Məhəmməd Allahyarlı (təcrübəçi)