İmtahanda gündəm olan Hiss sualı - DİM aydınlıq gətirdi

Dövlət İmtahan Mərkəzi özəl tədris müəssisələrindən birində 9-cu siniflər üçün təşkil olunan sınaq imtahanında sualda müğənni Hissin mahnısından sitat gətirilməsi ilə bağlı xəbərə münasibət bildirib.

Qurumdan Ölkə.Az-ın sorğusuna cavab olaraq qeyd edilib ki, sözügedən sualın DİM-lə heç bir əlaqəsi yoxdur.

"Sualın DİM-ə hər hansı bir aidiyyəti yoxdur və DİM-in imtahanlarında istifadə olunmayıb. Mərkəzin məlumat bazasında belə bir sual yoxdur".

Qeyd edək ki, özəl tədris mərkəzlərindən birində sınaq imtahanında tərtib edilən test sualında  Hissin "Mars" adlı mahnısındakı "mahnılarım qızıldır, paslanmır" sözləri yer alıb.

Sualın DİM-in bazası əsasında hazırlandığı bildirilirdi.

Billurə