İşsizliklə bağlı nazirdən nikbin AÇIQLAMA

Son 5 ildə işəgötürənlər 700 mindən çox vakansiyanı elektron portallara yerləşdiriblər.

Ölkə.Az xəbər verir ki, bunu Milli Məclisdə büdcə müzakirəsi zamanı əmək və əhalinin sosial müdafiəsi naziri Sahil Babayev deyib.

Nazir bildirib ki, bunun da 70%-i son iki ilin payına düşüb: “Növbəti dövrlərdə bu say daha da artacaq”.

S.Babayev qeyd edib ki, işsizlikdən sığorta alanların staj müddəti azaldılır: “Cəmi 24 ay sığorta stajı olan şəxs öz iradəsindən kənar işsiz qaldıqda vəsaiti ala biləcək. Bir sıra fors-major halları da əhatə etməyə çalışırıq. İşsizlikdən sığorta mexanizminin bir az da genişləndirilməsi üçün imkanlar yaradılıb. Növbəti ildə əhatə olunan şəxslərin sayını bir az da artıra biləcəyik”.

Nazir onu da bildirib ki, bu il ilk dəfə olaraq 13 milyon manata yaxın sığorta ödənişi həyata keçiriləcək: “Növbəti ildə isə bu məbləğin 15 milyon manata çatdırılması nəzərdə tutulur”.

Bundan başqa, nazir deyib ki, son 5 ildə işəgötürənlər 700 mindən çox vakansiyanı elektron portallara yerləşdiriblər: "Bunun da 70 %-i son iki ilin payına düşüb. “Növbəti dövrlərdə bu say daha da artacaq”.

Mürtəza
Ölkə.Az