Aldıqları virtual xiyarları sata bilmirlər - Problem davam edir

"Pazfarm ilə insanları aldadıb, aradan çıxan qrupun yeni yaratdığı “Future Farm” zəncirində tranzaksiyalar dayanıb".

Ölkə.Az xəbər verir ki, bunu texnobloger Fərid Pərdəşünas yazıb.  

"200-dən çox vətəndaş aldıqları virtual xiyarları sata bilmirlər. Dəfələrlə xəbərdarlıqlar olsa da, insanlar hələ də bu platforma və zəncirlərə inanaraq, yatırım edirlər.

Platformanın təsisçisi Əkrəm isə zənglərimə cavab vermir və hər şeyin yaxşı olacağını, ürəyimizi sərin saxlamağı məsləhət görür", - deyə o qeyd edib.

Təsisçi ilə yazışmaların skrinşotlarını paylaşan bloger Əkəm adlı şəxsin xarici ola biləcəyini yazıb.

Qeyd edək ki, Azərbaycanda yüzlərlə insanın minlərlə manat xərclədiyi "Pazfarm" şəbəkəsinin vəsaitləri mənimsəyərək, aradan çıxdığı bildirilir.
"Pazfarm" insanlara virtual formada taxıl, kartof, qarğıdalı əkərək zəncir marketinqinə əsaslanan pul qazandıran platforma idi.