Uşağa ilk telefonu neçə yaşında vermək lazımdır? - Psixoloq

"Uşağınıza telefon, xüsusən də smartfon almaq üçün tələsməyə ehtiyac yoxdur". 

"Ölkə.az" xəbər verir ki, bunu gazeta.ru-ya uşaq psixoloqu Nataliya Derbeneva deyib.

"İlk telefonun verilməsi üçün ən yaxşı vaxt 5-7 yaşdır. Əlbəttə ki, həmyaşıdlarının sensor cihazlarına baxan bir uşaq sizdən eynisini istəyə bilər. Ancaq birinci telefon ən sadə, düyməli telefon olsa, daha yaxşı olar", deyə Natalya Derbeneva bildirib.
Ətraflı

Uşaq psixoloqu vurğulayıb ki, istənilən qacet uşaq üçün ciddi diqqəti yayındırır:

"Məsləhətləşməyə gələn bütün valideynlər övladlarının telefonla daha çox maraqlandıqları üçün ailə həyatında iştirak etmədiklərindən, valideynlər və həmyaşıdları ilə ünsiyyət qurmamasından şikayətlənirlər. Bunu izah etmək asandır: telefonların köməyi ilə biz çox tez və çətinlik çəkmədən bir doza dopamin qəbul edirik və təəssüf ki, belə sadə həzzin aludəçisi oluruq. Artıq telefonda və ya cizgi filmində oyun oynamaqdan həzz almağa öyrəşmiş uşaq çətin ki, asudə vaxt kimi kitab və ya həmyaşıdları ilə gəzinti seçsin. Zamanla bu cür davranış onun inkişafına və emosional intellektinə son dərəcə mənfi təsir göstərə bilər".(Qaynarinfo)