Məşhur aktyor: Camaatın əsəbləri ilə oynamayın! - FOTO

Məşhur aktyor, Əməkdar artist Rasim Cəfər avtobusların gecikməsindən şikayətlənib.

Ölkə.Az xəbər verir ki, o bu barədə sosial şəbəkələrdə yazıb. Sənətçi bildirib ki, sürücülər yolların bağlı olmasını bəhanə edərək marşrutu tamamlanmır:

“Faiqoğlu” şirkəti telefonlara niyə cavab vermirsiniz? Avtobuslarınızın sürücüləri yolun bağlı olduğunu bəhanə edib marşurutu yarımçıq tamamlayır. Alternativ yollardan istifadə etmirlər. Ya əvvəlcədən xəbərdarlıq edin ki, marşurutlar tam olmayacaq, ya da səhər səhər işə gedən camaatın cibinə girib, əsəbləri ilə oynamayın”, - deyə o yazıb.

Şirkətdən aktyora cavab olaraq bu gün Bakı şəhərində keçirilən tədbirlərlə bağlı bəzi istiqamətlərdə hərəkətin məhdudlaşdırıldığı bildirilib:

“Bununla bağlı aidiyyəti dövlət qurumları əvvəlcədən əhaliyə müraciət edib”.

Rasim Cəfər isə deyib ki, bu, bütün Bakının bağlı olduğu anlamına gəlmir.

Billurə Yunus