Şəhidin körpəsinin atasının maketinə dediyi sözlər... - VİDEO
44 günlük Vətən müharibəsi zamanı şəhid olan gizir Cahid Qəniyevin azyaşlı oğlunun videosu izləyənləri duyğulandırıb.
Ölkə.Az xəbər verir ki, anasının gizli lentə aldığı videoda şəhidin oğlu əlində oyuncaq atasının maketi ilə danışır.
O, maketə baxaraq “səsin çıxır” sualını verir.
Daha sonra azyaşlının anası ondan kiminlə danışdığını soruşduqda "atamla" cavabını verib:
“Atamla danışırdım. Atama deyirəm məni apararsan marketə?”, - deyə o söyləyib.
Qeyd edək ki, Azərbaycan Silahlı Qüvvələrinin giziri Cahid Qəniyev 2020-ci ilin 30 sentyabrında Madagizin azad edilməsi zamanı şəhid olub. O, şəhadətə ucalmasından sonra "Vətən uğrunda", "Suqovuşanın azad olunmasına görə" və "Cəsur döyüşçü" medalları ilə təltif edilib.
Billurə Yunus
