Təhsildə Keyfiyyət Təminatı Agentliyi ötən illə bağlı hesabat verdi

Təhsildə Keyfiyyət Təminatı Agentliyinin İdarə Heyətinin hesabat görüşü keçirilib.

Ölkə.Az xəbər verir ki, görüşdə İdarə Heyətinin sədri Tural Əhmədov 2023-cü ildə görülmüş işlər barədə məlumat verib.
O bildirib ki, ötən il ərzində Azərbaycan Texniki, Bakı Dövlət , Memarlıq və İnşaat, Sumqayıt Dövlət, Xəzər, Lənkəran Dövlət, ADA, Tibb, Bakı Mühəndislik, Dövlət Pedoqoji, İqtisad Universitetləri, BDU-nun Qazax və UNEC-in Zaqatala filiallarında instutsional akkrediyasiya qiymətləndirilməsi həyata keçirilib.
Sədr əlavə edib ki, dövlət tərəfindən maliyyələşdirilən ikili diplom proqramlarının 4 ali təhsil müəssisəsi ezrə 3 ixtisaslaşma və 8 ixtisas üzrə proqram akkrediyasiya qiymətləndirilməsi prosesi başlanılıb.
2 peşə təhsil müəssisəsinin (Sənaye və İnnovasiyalar üzrə Bakı Dövlət Peşə Təhsil Mərkəzi, Turizm və Sosial Xidmətlər üzrə Bakı Dövlət Peşə Təhsil Mərkəzi) pilot akkreditasiya qiymətləndirilməsi həyata keçirilib.
T. Əhmədovun sözlərinə görə, Bakı Dövlət Universitetinin magistratura səviyyəsi üzrə 6 ixtisaslaşmanın (Yüksək molekullu birləşmələr kimyası, Neft kimyası, Üzvi kimya, Qeyri-üzvi kimya, Analitik kimya, Fiziki kimya) beynəlxalq səviyyədə proqram akkreditasiya qiymətləndirilməsi nəticələri dövlət akkreditasiyası tərəfindən nəzərə alınıb.

17 ali təhsil müəssisəsi ilə təlim xidmətlərinin göstərilməsinə dair əməkdaşlıq müqavilələri imzalanmışdır. 10 ali təhsil müəssisəsində xarici keyfiyyət təminatı və institusional akkreditasiya üzrə, 5 ali təhsil müəssisəsində daxili keyfiyyət təminatına dair 2 ali təhsil müəssisəsində isə akademik məsləhətçilərin sertifikatlaşması barədə təlimlər təşkil edilib.

2023-cü il ərzində 8 yeni peşə ixtisası (dayə, zərgərlil, bağban-dekorator, bərbər-vizajist-manikürçü, dərzi, əməliyyatçı mühasib, mənzil təsərrüfat xidməti üzrə mütəxəssis, bitkiçilik mütəxəssisi) üzrə qiymətləndirilmə və tanınma həyata keçirilib. Ümumilikdə qiymətləndirilmə və tanınma nəticəsində 10 peşə ixtisası üzrə 171 nəfər vətəndaşa 330 ədəd peşə ixtisasını təsdiq edən sənəd təqdim edilib.
Qeyri-formal va informal təhsilin tanınması istiqamətində "PAŞA Holding" MMC, Azərbaycan Zərgərlər Assosiasiyası, "Gənc Mühasiblər" İctimai Birliyi və Baku Fashion Academy arasında Əməkdaşlıq Memorandumları imzalanıb.