\"Söyməyə adam axtarırsınız\" - Direktor əslində nə demişdi...

156 nömrəli məktəb şagirdinin müzakirələrə səbəb olan hərəkətlərindən sonra adı çəkilən məktəbin direktoru Gülər İsmayılovanın açıqlaması müzakirələrə səbəb olub.

Ölkə.Az xəbər verir ki, onun "həmin şagird və valideyni bizə bildirib ki, zarafat edib" sözləri birmənalı qarşılanmayıb. Bəziləri G.İsmayılovanın açıqlamasını şagirdin sözü yox, baş verənlərə direktorun münasibəti kimi başa düşdüyündən onu kəskin tənqid ediblər.

Bununla belə sosial şəbəkələrdə onu müdafiə edənlər də olub:

Şair, jurnalist Ulucay Akif: "Siz nə qədər cahil, yalandan qışqır-bağır salan, dərk eləmədən nəsə deyən, yazan adamlarsınız belə. Direktor demir "qız zarafat edib". Direktor deyir ki, "qız zarafat elədiyini deyir". İndi də direktoru söyürsünüz. Elə söyməyə adam axtarırsınız".

Aparıcı Rahil Sayadoğlu: "Direktor demir ki, video zarafatla çəkilib. Direktor həmin şagirddən sitat gətirib: "Şagirdin ilkin bizə söylədiyinə görə, zarafat etmək məqsədi ilə bunu etmişdir". Camaat əlində balta hədəf axtarır".

Yazıçı Kəramət Böyükçöl: "Yekə-yekə saytlar, media adamları belə xırda məmurları söydürmək üçün bilmirlər nə hoqqadan çıxsınlar. Guya direktor deyib ki, şagirdlər bir-biri ilə zarafat ediblər. Qəsdən təhrif edib yayırsınız. Direktor deyib ki, şagirddən niyə belə elədiyini soruşdum. Dedi ki, zarafat eləmişik".

Billurə