Beynəlxalq Qış Hüquq Məktəbi təşkil edilib

11-18 fevral tarixlərində ELSA Azərbaycan  tərəfindən Azərbaycan Respublikasının Gənclər Fondu və “Gənclərin Maarifləndirilməsinə Dəstək” İctimai Birliyinin tərəfdaşlığı ilə Qəbələ şəhərində “Müqavilə hüququ” mövzusunda beynəlxalq qış məktəbi təşkil olunub. 

Ölkə.az xəbər verir ki, iştirakçılar Azərbaycan daxil olmaqla bir çox Avropa ölkələrindən seçiliblər.

Qış məktəbi 1 həftə ərzində müqavilə hüququ mövzusunda peşəkar hüquqşünaslar tərəfindən keçilən təlimlər və milli proqramdan ibarət olub. Xarici və yerli iştirakçılar üçün milli proqram çərçivəsində Qəbələnin tarixi yerlərinə ziyarət, milli yeməklərin nümayiş etdirilməsi və həmin ərazinin mədəniyyəti ilə tanışlıq həyata keçirilib. 

17 fevral tarixində Qəbələ “ASAN Xidmət” mərkəzində keçirilən qış məktəbinin bağlanış mərasimi olub. Mrasimdə Gənclərin Karyera və İnkişaf Mərkəzinin sədri Azər Əliyev, “Gənclərin Maarifləndirilməsinə Dəstək” İctimai Birliyinin sədri Aynurə Salmanlı, ELSA Azərbaycanın Prezidenti Nərminə Hüseynzadə və Qış Hüquq Məktəbinin təşkilat komitəsinin sədri Vəfa Mustafayeva çıxış edib, layihə barədə öz təəssüratlarını bölüşüb və iştirakçılara uğurlar arzulayıblar.