Ramazan işbazlarını yıxıb-sürüdülər: "Əxlaqsızlıqdır, ləyaqətiniz olsun..."

Paytaxt restoranlarında iftar menyularının qiymətləri müzakirələrə səbəb olub.

Ölkə.Az xəbər verir ki, jurnalist Elçin Alıoğlu iftar menyularındakı qiymətlərin adi vaxtdan dəfələrlə çox olduğunu bildirib:

"Bakıdakı restoranların sahibləri arasında Ramazan ayını fürsət bilib iftar süfrəsinin qiymətini artıranlar az deyil. Adi günlərdə 10-12 manata olan nahar menyusunu indi "iftar menyusu" kimi təqdim edərək 20, 30, hətta 57 manat istəyirlər. Bunun bir adı var – şərəfsizlik.

Oruc tutan insanın hesabına pul qazanmaq isə əxlaqsızlıqdır.
Ramazandan sui-istifadə etməyə çalışanlara səslənirəm: adam olun, kişiliyiniz, ləyaqətiniz, namusunuz olsun", - deyə o yazıb.

Daha bir jurnalist Cavid Ismayil isə bildirib ki, bu menyuların adi vaxtlardan fərqləndirən xurma və şirniyyatdır:

"Torqovı"da adi günlərdə 8-10 manata nahar təklif edən restoranlarda iftar menyusu ən azı 18 manatdan başlayır və üzü yuxarı gedir. Halbuki gündəlik menyudan fərqi əlavə olunan xurma və şirniyyatdır. Ramazan acların halından anlamaq üçündür, toxların yox".

Billurə Yunus