Qurban Qurbanovun uğurunun sirrini açıqladı - Rəşad Sadıqov elə sözlər dedi ki...

"Qurban müəllimin göstərdiyi nəticələr elədir ki, biz bunu qarşımıza məqsəd kimi qoymuruq. İstər Türkiyə, istər Rusiya və yaxud Niderland, Belçika məşqçiləri olsun, onlar təkrarlaya bilməzlər o uğuru".

Ölkə.Az xəbər verir ki, bu sözləri "Zirə" futbol klubunun baş məşqçisi Rəşad Sadıqov televiziya verilişlərindən birində deyib.
 
"Braqa"ya qarşı 10 nəfərlə oynayan "Qarabağ" əlavə vaxtda 2 qol vurursa, bu Azərbaycan standartlarına uyğun olmayan göstəricilərdir. Yalnız filmdə belə bir ssenari ola bilər. Çünki "Qarabağ"ın elədiyi mümkünsüz bir şeylərdir. İnanmıram ki, bunu "Beşiktaş", "Qalatasaray" edə bilər", - Sadıqov çıxışının davamında bildirib. 

Təcrübəli mütəxəssis vurğulayıb ki, Qurban Qurbanov işinə çox vaxt ayırır, bazaya birinci gəlir, axırıncı gedir: "Nə vaxt bu adamı yığırsan, rəqibə baxır. Uğur, nəticə olduqca bu işləri görmək daha da çətindir. Bu, insanın daha da məsuliyyəti artır. Qurban müəllim vatsapda adicə hekayə paylaşmağı, instaqramı bilmir. O qədər işin içinə girib, o qədər özünü fəda edib ki, onun yolunu getmək, onun kimi məşqçi olmaq qeyri-mümkündür".