Yüksək vəzifəyə təyin olunan Orucova kimdir? - ÖZƏL
Xəbər verdiyimiz kimi, Gülxanım Orucova Naxçıvan Şəhər İcra Hakimiyyəti başçısına yeni müavin təyin edilib.
Ölkə.Az-ın əldə etdiyi məlumata görə, o, 2021-ci ilin oktyabrında təsis olunan “Naxçıvan Gənc Müəllimlər Assosiasiyası” İctimai Birliyinin idarə heyətinin sədridir.
Orucova həmin dövrdə paralel olaraq Naxçıvan Şəhər Təhsil şöbəsinin baş məsləhətçisi vəzifəsində çalışıb.
O həmçinin “Sabahın tədqiqatçıları” layihəsinin icraçı rəhbəridir.
Gülxanım Orucova sonradan Təhsil Nazirliyinin sektor müdiri postunu tutub.
O, 2023-cü ilin sentyabr ayında Naxçıvan Muxtar Respublikası təhsil nazirinin müavini, nazirin səlahiyyətlərini icra edən Ovni Muradov əmrinə əsasən, müvəqqəti olaraq Təhsil Şöbəsinin müdiri təyin edilib.