Yenilik influnserləri tarixə qovuşdurur: Reklam bazarında dəyişiklik

Xeyli sayda insan var ki, hansısa məhsulu almazdan əvvəl etibar etdikləri influnserlərin həmin məhsula münasibətini öyrənməyə çalışır.

Son illərdə trend olan bu peşə nəticəsində markalar öz məhsullarını reklam etmələri üçün həmin influnserlərə hədiyyə edir. Beləliklə, həm brendlər qazanır, həm də influnserlər.

Onların "özüm də filan məhsuldan işlədirəm" deyib məhsulları reklam etdiyi dövr artıq geridə qalmaq üzrədir.

Ölkə.Az xəbər verir ki, artıq influnserlərin əksi olan "de-influnserlik" dəbdədir. Maraqlıdır ki, hansısa influnseri həmin məhsulla maraqlanan kütlə izləyirdisə, de-influnserlərin izləyici kütləsi daha genişdir.

Belə ki, dünyanın bir çox ölkələrində de-influenserlər özlərinə səhifə yaradaraq onlayn mühitdə çox populyar olan məhsulları sınaqdan keçirirlər.

Onlar adətən, bu məshulları özləri alırlar, yəni hansısa istehsalçı firma hədiyyə etmir. Daha sonra kamera qarşısında məhsulu yoxlayaraq real nəticəni olduğu kimi izləyiciyə təqdim edir və sonda almağa dəyib-dəymədiyini rəy verir.

İnstaqram və tiktokda başlayan bu trend get-gedə məşhurlaşmaqdadır. Bunun əsas səbəbi isə onların əsasən "filan məhsulu almağa dəyməz" tipli çağırışlarıdır. Bu da izləyicilərin gözündə onları daha etibarlı edir.

Billurə Yunus