“Sevgilisinə məcburi “ata” dedirdir, uşağa travma vurur”
Xəbər verdiyimiz kimi, ötən il aprelin 29-da 2016-cı il təvəllüdlü Fərid Bakarov Sumqayıtda yerləşən məktəblərdən birində sambo idman növü üzrə keçirilən məşq zamanı vəfat edib. Onun ölümündə təqsirli bilinən məşqçi Mehman Xəlilov 19 il azadlıqdan məhrum edib.
M.Xəlilovun mütəmadi olaraq narkotik və psixotrop maddələr qəbul etdiyi də deyilir.
Məhkəmənin qənaətinə görə, Fəridin anası Aynurun Mehmanla sevgi münasibətlərinə son qoyması idmançıda qisas hissi yaradıb.
Bu da azyaşlı övladı olan valideynərin yeni münasibət qurarkən diqqət yetirməli olduğu məsələni aktuallaşdırıb.
Mövzu ilə abğlı Ölkə.Az-a danışan psixoloq Zeynəb Əyyubova deyib ki, boşanmış şəxsin başqa bir münasibət qurması normal hal olsa da, diqqətli olmaq lazımdır:
"İstər kişi, istərsə də qadının boşandıqdan sonra həyatında birinin olması və ya ola bilmə ehtimalı normal haldır. Artıq bunu ölkə olaraq normal qəbul edirik. Əgər 10-15 il bundan əvvəl boşanmış qadın yalnız evin küncündə qalırdısa, indi hətta subay oğlanla münasibət qurur. Hər şey normaldır. Amma mən buradan analara səslənirəm: övladlarınız qırmızı xəttiniz olsun! Bu gün baxıram ki, analar yeni bir oğlanla tanış olan kimi öz balaca uşaqlarını vatsapla görüntülü danışanda ona göstərir, parka aparıb ona göstərirlər, hətta ilk aylarda "ata" belə dedizdirirlər. Əvvəla, sizin boşandığınız bir insan olub, uşağınızın atası var. Hər bir halda onun bir atası olmalıdır və erkən vaxtda ilk tanış olduğu adama "ata" dedizdirmək, onunla görüşdürmək, parka aparmaq, vaxt keçirmək düzgün deyil.
İlk başlarda kişilər də qadını ələ almaq üçün onun övladına daha yaxşı münasibət göstərirlər.
Belə olan halda ana ayrılanda ilk travma uşağa dəyir. Çünki bir dəfə atadan ayrılmışdı, indi də artıq yeni ata bildiyi, ata modeli yerinə qoyduğu birindən ayrılır. Ona görə də birmənalı olaraq münasibət qurduğunuz şəxsləri heç olmasa, ilk 2 il evlilik yoxdursa, övladlarınızla tanış etməyin, onların münasibətdə olduğunuz şəxsi tanımaq məcburiyyəti yoxdur".
Psixoloq hesab edir ki, münasibət zamanı validynlərin yol verdiyi səhvlərdən biri də, partnyoru həkim və ya müəllimdirsə, uşağını onun yanına aparmaqdır:
"Sizin münasibət qurduğunuz insan müəllimdirsə, onun yanına dərs üçün, həkim olsa, onun yanına yoxlatmaq üçün aparmaq düzgün deyil. Başqa həkim, başqa müəllim, başqa məşqçi yoxdurmu?!
Valideynlər 1-2 ay çox yaxşı vaxt keçirirlər, sonra o oğlanla münasibət kəsiləndə ayrılır, uşaq travma yaşayır. Belə hallar çoxdur".
Psixoloq əlavə edib ki, azyaşlı övladı olan şəxslər mütləq münasibət qurarkən qarşı tərəfin zərərli vərdişlərinin olub-olmamasına diqqət yetirməlidir:
"Əgər uşağı olan qadın kişi ilə münasibət qurursa, bunun uşağa necə təsir edəcəyini nəzərə almalıdır. Yaxşı və pis tərəflərinə baxmaq lazımdır. Əgər o narkotik vasitələrdən, psixotrop dərmanlaran istifadə edirsə, belə biri ilə münasibət qurmaq nə dəcərədə düzgündür?!"
Billurə Yunus
