Azərbaycanca Vikipediyadan böyük UĞUR
Mayın 9-dan 10-a keçən gecə Latın qrafikalı Azərbaycanca Vikipediyadakı (bundan sonra AzViki) məqalə sayı tarixində ilk dəfə 200 mini keçib.
Bu barədə Ölkə.Az-a vikipediyaçılar məlumat verib.
Qeyd edək ki, “az.wikipedia.org” saytı 2004-cü ilin yanvarında fəaliyyətə başlayıb
Bildirilir ki, tamamilə könüllülər hesabına yaranıb inkişaf edən virtual ensiklopediya istər bütün dünya, istərsə də Azərbaycan üzrə ən reytinqli saytlardan biridir.
"Son olaraq qeyd edək ki, AzVikidəki məqalə sayı 200 mini təzəcə keçdiyi halda, qeydiyyatdan keçmiş istifadəçilərin ümumi sayı isə 300 minə (hazırda 291706) yaxınlaşmaqdadır. İstifadəçi sayının məqalə sayını üstələməsi verimliliyin aşağı olmasından xəbər verir təəssüf ki.
Deməli, hər birimiz bu daşın altına əlimizi qoymalı, necə deyərlər, “qaranlıqdan şikayətlənməkdənsə, hər birimiz mütəmadi şamlar yandırmalıyıq ki, bu kimi elmi qaranlıqlarımız çıxsınlar aydınlığa”, - deyə vikipediyaçılar vurğulayırlar.
