Təmirli binadan qopan beton parçalarına görə şirkətə xəbərdarlıq edildi - RƏSMİ/VİDEO

Bakının Nərimanov rayonunda binadan beton qoparaq yola tökülməsi barədə xəbər vermişdik.

Ölkə.Az xatırladır ki, hadisə "Nəriman Nərimanov" stansiyasının yaxınlığında, Nərimanov parkı ilə üz-üzə olan yolda yerləşən yeni tikili binada qeydə alınıb. 

Beton qəlpələrinin düşdüyü ərazi isə gün boyu çox işlək yoldur. 

Xoşbəxtlikdən xəsarət alan olmasa da, baş verən hadisə piyadaları qorxuya salmışdı.

Sözügedən şikayətlə əlaqədar Nərimanov Rayon İcra Hakimiyyətindən Ölkə.Az-ın sorğusuna cavab olaraq bildirilib ki, bununla bağlı aidiyyəti üzrə xəbərdarlıq edilib:

"Gələcəkdə bu kimi digər hadisələrin qarşısının alınması üçün şirkət rəhbərliyinə ciddi xəbərdarlıq edilib, aidiyyatı qurumlara məlumat verilib".

Billurə Yunus