Bakıda şagirdi döyən şəxs qovuldu: Səbəb bu imiş - VİDEO

İyunun 7-də məktəbin texniki işçisi ilə IX sinif şagirdi arasında baş verən insidentlə bağlı araşdırma aparılıb. 

Bu barədə Ölkə.Az-ın sorğusuna cavab olaraq 189 nömrəli məktəbdən məlumat verilib.

"Araşdırma zamanı məlum olub ki, dərsdən sonra texniki işçi bir şagirdin (müvafiq səbəbdən şagirdin adı qeyd olunmur) pəncərədən məktəbin arxa həyətinə düşdüyünü görüb. Yaxınlaşaraq şagirdə irad bildirib və məktəb rəhbərliyinin yanına dəvət edib. Bu zaman aralarında anlaşılmazlıq və insident yaşanıb.

Məktəb rəhbərliyi tərəfindən şagirdin valideynləri məktəbə dəvət edilib. Məsələ ilə bağlı hüquq-mühafizə orqanlarına müraciət olunub. 

Texniki işçinin izahatı alınıb, bu kimi halların yolverilməz olduğu bildirilib və o, işdən azad olunub" - məlumatda deyilir.

***

13:18

Bakıda məktəblərdən birində insident yaşanıb.

Ölkə.Az xəbər verir ki, bu barədə görüntülərİ teleqraf.com paylaşıb.

Paytaxtın  Səbail rayonunda 189-190 nömrəli tam orta məktəbində çəkildiyi deyilən görüntülərdə şagirdlərdən biri döyülüb.

Qeyd olunur ki, 9-cu sinif şagirdini döyən şəxs məktəbin mühafizəçisidir.

Yayılmış görüntülərlə bağlı məktəbdən Ölkə.Az-ın sorğusuna cavab olaraq bildirilib ki, məsələ araşdırılır:

"Hadisədən Bakı Şəhəri üzrə Təhsil İdarəsinin də məlumatı var. Məsələ araşdırılır. Hazırda direktor tədbirdədir. Özü gəldikdən sonra ətraflı cavab verə bilər".

Billurə Yunus