Gəncə sakinlərinin yol problemi ilə bağlı icra hakimiyyətindən AÇIQLAMA - FOTO

Xəbər verdiyimiz kimi, Gəncə şəhəri 4-cü mikrorayonda yerləşən 13-cü binanın sakinləri yol problemi ilə əlaqədar saytımıza şikayət ünvanlamışdılar.

Ölkə.Az xəbər verir ki, ərazidə yaşayan vətəndaşlar 3 il əvvəl su sistemlərinin yenilənməsi zamanı dağılan yolun bərpa olunmamasından gileyləniblər.

Sakinlərin dağılmış yollar həm piyadalara, həm də avtomobili olanlara çətinlik yaratdığını deyərək tədbir görülməsinin vacibliyini vurğulayıblar.

Məsələ ilə əlaqədar Gəncə Şəhər icra Hakimiyyətindən Ölkə.Az-ın sorğusuna cavab olaraq yolların yenilənəcəyi bildirilsə də, dəqiq tarix açıqlanmayıb:

"Məlum olduğu kimi, Gəncə şəhərində "Açıq Kommunal İnfrastruktur Porqramı II" layihəsi icra olunur. Küçə və prospektlərin, məhəllə və qəsəbədaxili yolların asfaltlanması da sözügedən layihəyə paralel şəkildə həyata keçirilir. "Açıq Kommunal İnfrastruktur Porqramı II" layihəsi çərçivəsində su və kanalizasiya sistemlərinin yeniləndiyi ərazilər mərhələli şəkildə abadlaşdırılacaq" - cavabda deyilir.

Billurə Yunus