Avtomobilə minən kimi kondisioneri yandırmaq olmaz! - TƏHLÜKƏ

İsti havalarda avtomobilə əyləşən kimi dərhal kondisioneri yandırmayın.

Ölkə.Az xəbər verir ki, bu, əksər insanların yol verdiyi yanlışlıqdır.

Əvvəlcə pəncələrin hamısını eyni vaxtda açmaq lazımdır. Çünki avtomobilin içərisindəki hava çöldəki havadan daha istidir. İlk növbədə temperaturun bərabərləşməsi lazımdır. 

Bundan əlavə, avtomobilin içərisi plastik materiallarla doludur və tərkibində kimyəvi maddələr var. Həmin maddələr bu istidə buxarlanaraq avtomobildəki havaya qarışır və bu havanı daxilə çəkmək ziyanlı ola bilər. 

Digər tərəfdən kondisioneri yandıran kimi ən yüksək dərəcəyə qədər artırmaq məsləhət görülmür. Çünki hələ işləmədiyi üçün kondisionerin kompressorunun yağlanmasını gözləmək lazımdır. Səbəb də odur ki, bunu həmişə etmək, yəni dərəcəni sona qədər artırmaq kondisioneri xarab edə bilər. Əvvəlcə zəif dərəcədə qoşmaq, daha sonra tədricən artırmaq olar.

Billurə