Azərbaycanda tanınmış alim vəfat etdi - FOTO
Azərbaycanda tanınmış alim vəfat edib.
Ölkə.Az xəbər verir ki, Tibb Universitetinin müəllimi, tanınmış həkim Zöhrab İslam oğlu Qarayev ötən gün dünyasını dəyişib.
Yaxınlarının verdiyi məlumata görə, o qəfil vəfat edib.
Allah rəhmət eləsin!
Qeyd edək ki, Zöhrab İslam oğlu Qarayev 25 mart 1945-ci ildə Laçın rayonunun Minkənd kəndində anadan olub.
Azərbaycan Dövlət Tibb İnstitutunun stomatologiya fakultəsində təhsil alıb.
1974-cü ildə Krasnodar Dövlət Tibb İnstitutunda dissertasiya müdafiə edərək tibb elmləri namizədi alimlik dərəcəsi, 2000-ci ildə Moskva şəhərində Mərkəzi Elmi-Tədqiqat Stomatologiya İnstitutunda doktorluq dissertasiyasını müdafiə edərək tibb elmləri doktoru alimlik dərəcəsi alıb.
O, müxtəlif illərdə ayrı-ayrı vəzifələrdə çalışıb.
Z.Qarayev 160-dan çox elmi işin, o cümlədən 1 monoqrafiya, 6 dərslik və dərs vəsaiti, 8 metodik vəsait və 5 səmərələşdirici təklifin müəllifidir. Elmi işləri Azərbaycanda və xaricdə çap olunub.
2010-cu ildə Azərbaycan Respublikası Prezidentin sərəncamı ilə "Əməkdar həkim" fəxri adı verilib.
Billurə
