Hacıqabulda 100-ə yaxın evin su basması ilə bağlı AÇIQLAMA: İnsanlar köçürüldü - FOTO

İcra hakimiyyəti son günlər aramsız yağan yağışlar nəticəsində Hacıqabul rayonunun Qubalıbaloğlan kəndində 100-ə yaxın evi su basması barədə vəziyyətə reaksiya verib.

Hacıqabul Rayon İcra hakimiyyətindən Ölkə.Az-ın sorğusuna cavab olaraq bildirilib ki, ərazidə müvafiq tədbirlər həyata keçirilib.

"Hacıqabul Rayon İcra Hakimiyyəti və Fövqəladə Hallar Nazirliyinin Mülki Müdafiə Qoşunlarının əməkdaşları hadisə yerində olub, sel suları basmış ərazilərdən vətəndaşlar təxliyə edilib. Hazırda Mülki Müdafiə Qoşunlarının əməkdaşları tərəfindən hadisə yerlərində suyun kənara axıdılması və təbii fəlakətin nəticələrinin aradan qaldırılması istiqamətində zəruri tədbirlər görülməkdədir".

Billurə