Lilli suya möhtac qalan sakinlər: Biz qara palçığa da razıyıq, amma... - VİDEO

Şəkinin Dodu məhəlləsinin sakinləri su sarıdan əziyyət çəkir. Məhəllə sakinləri bildirir ki, hər il içməli suya tələbatın çox olduğu yaz-yay aylarında problem yaşayırlar.

Ölkə.Az xəbər verir ki, illər öncə çəkilən su sistemi artıq istismar müddətini başa vurduğundan hər yağışdan sonra sıradan çıxır. Nəticədə onsuz da lilli, istifadəyə yararsız şəkildə verilən su günlərlə gəlmir.

Məhəllə sakinləri yeni su təchizatı və kanalizasiya sistemlərinin çəkilişinin ləngidiyini və təmiz sudan istifadə etmək istədiyini deyirlər. 

Şəki Sukanal Törəmə ASC-nin baş mühəndisi Elmir Əkbərov yaranmış problem su elektrik stansiyasından gələn hissədədir:

"Kiş çayı hövzəsində olan sel sularının dağıntıları nəticəsində həmin ərazidə problemlər yaşanır. Suyun verilişində fasilə yarananda ərazidəki sakinlər su maşını vasitəsilə su ilə təmin olunsanlar da, abonent olmayan şəxslərə su verilmir".

Belə çıxır ki, abonent olmayan vətəndaşlar yeni su kanalizasiya sistemi çəkilənə qədər suyu pulla almalıdır. Onda sual yaranır ki, qurum vətəndaşa haqqı olan lazımi xidməti göstərmədiyi halda bunu niyə kompensasiya etmir?

Şəki şəhərində illərdir davam edən yeni su kanalizasiya xəttinin çəkilişinin ləngiməsinə gəldikdə isə Su Ehtiyatları Agentliyindən bildirilib ki, işlərin 69%-i yekunlaşıb. 2025-ci ildən isə layihənin növbəti mərhələsinə start veriləcək.

Bildirilib ki, şəhərin Dodu və Gəncəli məhələllərində yeni nasos stansiyaları tikildikdən sonra əhali 24 saat içməli su ilə təmin olunacaq.